Дорнод Монголын өргөн уудам нутагт орших хамгийн том тэгш талд жил бүр цагаан зээр мянга, мянгаараа сүрэглэн бэлчээрлэж, өвөлждөг. Түүгээр зогсохгүй олон наст, үржил шимт ургамлын өлгий нутаг гэдгийг ард түмэн андахгүй мэдэх билээ. Гэвч цаг хугацаа үнэнийг сөхөхийн хэрээр Мэнэнгийн тал "тал” байхаа больж байна. Учир нь БНХАУ-ын хөрөнгө оруулалттай "Петрочайна” компани Монгол Улстай бүтээгдэхүүн хуваах гэрээгээр цөөнгүй жил үйл ажиллагаа явуулахдаа зүгээр ч нэг газрын тос олборлож байсангүй. Хууль бусаар газрын гүний ус ашиглах, бүтээгдэхүүний гарцыг нэмэгдүүлэх зорилгоор газрын гүнд химийн хүнд элемент шахах зэрэг удаа дараагийн бусармаг үйлдлийг түмнээс далд хийсээр ирсэн нь нууц биш болжээ. Харин эцэстээ энэ мэт тэдний дураараа авирласан, хууль бус үйлдлийн үр, талд тааваараа бэлчиж явсан олон зуун зээрийн аминд хүртлээ гаарах болж. Хэн ч үүнийг анзаардаггүй биш анзаарсаар ирсэн ч эцсийн шийдвэр ард түмэний талд байдаггүй. Харин энэ удаагийн ноцтой мэдээлэл ард түмний дунд нэлээдгүй эрчийг авч амжлаа. Тиймдээ ч эцсийн үр дүн ард түмний талд байж, Мэнэнгийн тал аврагдах нь гарцаагүй гэдэгт итгэж суугаа.
Тэдгээрийн төлөөлөл нь үхсэн зээрийн сэг зэмийг анх илрүүлсэн иргэд, ТББ-ууд юм. Тэд Петрочайна компанийн хууль бус олон үйлдлийг төрийн шат шатны байгууллагад мэдэгдэж, эцсийн шийдвэрийг хүлээж байгаагаа илэрхийлсэн. Өөрөөр хэлбэл Мэнэнгийн тал аврагдах үгүй нь төрийн шийдвэрээс л хамаарах болж үлдлээ. МЭНЭНГИЙН ТАЛ ТӨРӨӨС ИНГЭЖ АВРАЛ ЭРЖ БАЙНА.
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих