Шигшээ наймд шалгарахын төлөөх өрсөлдөөнөө дэлхийн хоёр удаагийн аварга Аргентиний шигшээ баг Швейцарийн багтай хийж бүтэн 120 минутын турш тэмцэлдсэний эцэст ялалт авч чадлаа.

Бүрэлдэхүүн

Талбайн эзэн багийн дүрээр тоглосон Аргентиний шигшээ баг гол довтлогч Серхио Агуэрогоо бэртэлд алдан гарааны бүрэлдэхүүнд Эзикел Лавецци болон Игуаныг тоглуулж Месси довтлогчийн ард найруулах чиглэлийн довтлогчийн байрлалд тоглосон юм.

Хагас хамгаалалт болон хамгаалалтын бүрэлдэхүүнд Сабелла онцын өөрчлөлтийг хийгээгүй бөгөөд Машерано уг тоглолтонд гайхалтай байж алсын дамжуулалтуудыг олныг гаргаж өгч байв.

Отмар Хицфелдийн баг хоёр давхрын тоглолтоороо илүүрхэн сайн хамгаалалтын системийг бүрдүүлж чадсан ба гарааны довтлогчоор Дрмич тоглосон бол хагас хамгаалалтанд Шакири, Инлер нар голлож байв.

Мэдээж Шакири сайн тоглолтыг үзүүлсэн ч өнөөдөр зүүн жигүүрт тоглосон Мехмеди онцлох хэрэгтэй.

Тоглолтын явцад гоолын боломжийг Аргентиний шигшээ баг булангийн цохилтоор маш олон гаргаж байсан ч Швейцарийн хамгаалалт тун найдвартай сайн тоглолтыг үзүүлж 118 минутын турш гайхалтай хамгаалж байлаа.

Мөн Швейцарийн хаалгач Беналиог магтах нь зүйтэй ба Месси, Ди Мариагийн олон цохилтыг аюулгүй болгосон юм.

Гоолууд

Хэдийгээр олон гоолын боломжуудыг тоглолтын турш үүсгэж байсан ч нэмэлт цагийн 118 дахь минутанд Аргентиний шигшээ багийн довтолгоог Месси амжилттай зохион байгуулж Ди Мариа баруун жигүүрээс цөмрөн тооны харьцааг 1:0 болгосон юм.

Энэхүү тоглолтонд хамгийн идэвхтэй гүйлт хийн тоглож байсан цорын ганц тоглогч нь Ди Мариаг байсан гэхэд хэлсдэхгүй.

Түүний цуцашгүй тоглолт өөрт нь гоол оруулах нөхцөлийг бүрдүүлж чадсан.

Месси ч уг гоолыг дамжуулалтыг маш сайн өгч, довтолгооныг ч сайн зохион байгуулж чадсан юм.

Тоглолтын төгсгөлд Швейцарийн шигшээ баг тооны харьцааг тэнцүүлж болох байсан ч шон онон уг тоглолтонд ялагдал хүлээжээ.

Онцлох үзүүлэлтүүд

• Швейцарийн шигшээ баг Аргентинийг нэг ч удаа хожиж байгаагүй.
• Дасгалжуулагч Отмар Хицфелд шигшээ багаа орхилоо
• Аргентиний шигшээ сүүлийн 3 дэлхийн аварга дарааллан шигшээ 8-д үлдээд байна.
• Аргентиний шигшээ баг уг дэлхий аваргад нийт 4 тоглолт хийгээд байгаа ба бүх өрсөлдөгчөө нэг гоолыг зөрүүгээр хожсон байна.

ULS

URL: http://www.choibalsan.mn/index.php?newsid=3770