ЗГХЭГ-ын дарга Н.Учрал Засгийн газрын хуралдааны дараа сэтгүүлчдэд мэдээлэл өглөө. Тэрээр "Засгийн газрын хуралдаанд "Орано" групптэй хийхээр төлөвлөж хөрөнгө оруулалтын гэрээний ажлын хэсгийн явцыг танилцуулсан. Өчигдөр би ажлын хэсгийн ахлагчийн хувьд Францын талыг төлөөлөн оролцож байгаа захиралтай уулзалт хийсэн. Тохирч чадахгүй байгаа зургаан чиглэлийн санал дээр байр сууриа илэрхийлсэн. Энэ хөрөнгө оруулалтын гэрээг намрын чуулганы хугацаанд УИХ-д өргөн мэдүүлэхээр төлөвлөж байгаа.

Ерөнхийлөгч У.Хүрэлсүхийг Франц улсад айлчлал хийх үеэр протоколд гарын үсэг зурсан. Тохиролцох шаардлагатай 400 гаруй санал байсан. Түүнээс хойш зургаан дэд ажлын хэсэг ажилласан. Ерөнхий сайдын зүгээс байгаль орчны чиглэлээр эрсдлийн үнэлгээ гаргуулах гэдэг дээр тодорхой үүрэг өгсөн. Одоогийн гэрээний төслийн 51 хувь дээр харилцан ойлголцолд хүрсэн. 51 хувиа Монгол Улс эзэмшинэ. 100 хувь францын тал санхүүжилт хийнэ.

Өнгөрсөн хугацаанд өсөн нэмэгдэх АМНАТ дээр инфляц тооцно гэдэг дээр байр сууриа илэрхийлж ирсэн. Шийдэлд хүрвэл манай талд ашигтай байдал үүснэ. Хугацааны хувьд 30 жил, 20 жил нь олборлох, 10 жил нөхөн сэргээлт хийгдэнэ гэж ойлгож болно. Монгол Улс 10 хувийн давуу эрхийн хувьцаа эзэмшинэ. “Орано”-ийн хөрөнгө оруулалтын гэрээн дээр гурван олон улсын зөвлөх үйлчилгээний компани ажилласан. Тодорхой зөвлөмж өгсөн. Байгаль орчны чиглэлээрх асуудлыг  Байгаль орчин, уур амьсгалын өөрчлөлтийн сайд,  олборлолтын чиглэлийг Уул уурхайн сайд, хөрөнгө оруулалттай холбоотой асуудлыг Тэргүүн шадар сайд хариуцаж байгаа. Хэлэлцээр ирэх аравдугаар сарын эхээр нэг талдаа гарна. Казахстан улсад байгаа ижил төрлийн үйл ажиллагаа эрхэлдэг компани дээр очиж, ажилласны дараа хэлэлцээрийг дуусгая гэж өчигдөр ярилцсан.

Ерөнхий сайдын зүгээс Оюутолгойн гэрээний алдааг давтаж болохгүй гэж анхааруулж байгаа учраас өсөн нэмэгдэх АМНАТ -ийг тооцох, байгаль орчны эрсдлээс хоёр тал хамтдаа хариуцлага хүлээх гэх мэт асуудлыг тавьсан. Үүний үндсэн дээр нэлээдгүй олон асуудал шийдэгдээд явж байна. Байгаль орчныг нөхөн сэргээх дээр гол анхаарлаа хандуулах ёстой. Гэрээ дууссаны дараа дэлгэрэгүй мэдээлэл өгнө.Олон улсын зөвлөх үйлчмлгээний гурван компани ажилласан. Байгаль орчны чиглэлээр олон улсын зөвлөх үйлчилгээний компани авч ажиллана. Зургаан ажлын хэсгийн мэдээллийг том ажлын хэсэг дээр нэгтгээд хэлэлцээр рүүгээ орно" гэлээ.

URL: http://www.choibalsan.mn/index.php?newsid=37930