Энэ жилийн байдлаар аймгийн хэмжээнд 2540 үл хөдлөх эд хөрөнгө, өөрийн эзэмшлийн буюу түрээсийн байранд үйл ажиллагаа эрхэлж, үйлчилгээ үзүүлдэг 1200 ажлын байр бүртгэгджээ. Дээрх ажлын байрыг холбогдох алба хэлтсүүд тоолж, татварын албаны мэдээллийн баазад шинээр оруулж, зарим объектын цэг хатгалт, ажлын байрны зурагжуулалтыг хийжээ. Тооллогын явцад татварын албаны хуучин мэдээллийн баазад бүртгэгдээгүй байсан 990 үл хөдлөх эд хөрөнгө, 125 ажлын байрыг шинээр нэмж илрүүлэн бүртгэж, эдгээрээс үл хөдлөх эд хөрөнгийн болон иргэний орлогын албан татвараар 38.6 сая төгрөгийг тооллогын явцад төлүүлэн орон нутгийн төсөвт төвлөрүүлсэн байна.

 

Тооллогоор шинээр нэмж илрүүлэн бүртгэсэн 215 үл хөдлөх эд хөрөнгөнд ногдуулсан татвар нь 34.9 сая төгрөг болж байгаа нь энэ хэмжээгээр орлогын эх үүсвэр нэмэгдэх боломж бүрдлээ гэж үзэж байгаа талаар Татварын хэлтсээс мэдээлж байгаа юм