Үндэсний их баяр наадам, Ардын хувьсгалын 93 жил, Дорнод аймгийн Баян-Уул сум байгуулагдсаны 90 жилийн түүхт ойг тохиолдуулан Монгол улсын ерөнхийлөгч Ц.Элбэгдоржийн зарлигаар Баян-Уул сумын уугуул, Монгол Улсын Гарамгай мэргэн, Монгол улсын гавъяат тамирчин Аюушийн Цэвээнийг Монгол улсын Хөдөлмөрийн баатар цолоор шагналаа.

Гарамгай мэргэн Аюушийн Цэвээн 1973, 1977, 1984, 1988 онуудад улсын баяр наадмын эрэгтэйчүүдийн сурын харваанд түрүү магнай болж байсан юм. Түүний хүү Ц.Хүдэрчулуун ч гарамгай мэргэн харваач бөгөөд 1987, 1994, 2002, 2012 оны Улсын их баяр наадамд түрүүлээд байгаа юм.

URL: http://www.choibalsan.mn/index.php?newsid=3995