Калифорний их сургуулийн эрдэмтэд харь гаригийнхан дэлхий дээр урт удаан хугацааны турш суурьшиж, хүн төрөлхтөн бидний дунд ажиглагчийн байдлаар амьдарч байгаа гэсэн ер бусын таамаглалыг дэвшүүлжээ. Мэдээж хэрэг үүнд нотолгоо байхгүй байгаа ч библи зэрэг эртний эх сурвалжуудад мэдээлснээр манай дэлхий үүсэн бий болсон цагаас эхлэн харь гаригийнхны төлөөлөгчид айлчилсаар ирсэн гэдэг байна.

2000 онд Jonathan Malkisom-аар удирдуулсан Калифорний их сургуулийн эрдэмтэд хэвлэлийн бага хурал хийхдээ харь гаригийнхны төлөөлөгчид хүн төрөлхтний дунд урт удаан хугацааны турш амьдарсаар ирсэн гэсэн дуулиантай мэдээг анх дэлгэсэн юм. Хүнтэй адилхан гадаад байдал бүхий харийнхан бидний өдөр тутмын үйл хөдлөлийг дэргэдээс маань ажиглаж байдаг гэжээ. "Энэ нь яг л шавьж болон амьтдын зүсээ хувилган нуугддаг чадварын онцгой хувилбар л гэсэн үг. Түүнчлэн түүхэн мэдээ баримтуудад өгүүлснээр дэлхий үүсэн бий болсон цагаас эхлэн харийнхан оршин байсаар ирсэн гэж байдаг.” хэмээн Канад дахь онолын физикийн Периметр институтын эрдэмтэн Adrian Kent хэлсэн байна.

Канадын эрдэмтний хэлсэн эл үгийн баталгаа нь Генесисийн номон дээр олддог бөгөөд тэнд бичсэнээр "Jacob ганцаараа үлдсэн, үүр гэгээрэх хүртэл түүнтэй нэг хүн тэмцэлдсэн.” гэсэн байдаг гэнэ.

Эртний философичид ч тэнгэрээс өөр омог аймгийн төлөөлөгчид эсвэл сахиусан тэнгэрүүдийн аль нь ирдэг тухай асуултанд хариулт хайсаар ирсэн.

АНУ-ын цэргийн хүчнийхэн сүйрсэн нисдэг таваг олж, тодорхой хэсгүүдийг нь бааздаа авчрах үед тус улсын Тагнуулын ерөнхий газар Roswell-ын хэрэг гэж нэрлэгддэг архивын жижиг хэсгийг илчилсний дараа 20-р зуунд харь гаригийнхны оршин тогтнолын тухай 20-р зуунд нухацтайгаар, нээлттэйгээр хэлэлцсэн байна. Үл мэдэгдэх сансрын биетийн үлдэгдлийн хамт гурван харь гаригийнхны цогцос олдсоныг баазад авчирсан гэдэг мэдээлэл байдаг. Ослын шалтгаан нь харийнхны навигацийн төхөөрөмж дээрх радар газартай мөргөлдсөн явдал байсан гэнэ. Өөр нэг хувилбарт өгүүлснээр UFO аянганд ниргүүлсэн гэдэг аж. АНУ-ын ерөнхийлөгч John F. Kennedy нас барахаасаа хэдхэн хоногийн өмнө Тагнуулын ерөнхий газрын тэргүүнээс ослын бүх материалыг үзүүлэхийг хүссэн ч хамгийн нууц архивыг үзэж чадаагүй ч гэх мэдээлэл байдаг.

1980-аад оноос олон хүмүүс тэнгэрт нисдэг биет харагдсан гэх болсноор тогтохгүй зарим нь тэрхүү биетийн дотор орсон, харийнхантай холбоо тогтоосон гэх болсон байна. Харийнхантай холбоо тогтоосон гэх хүмүүсийн дундаас хамгийн алдартай хүмүүсийн нэг нь Болгарын зөнч Ванга юм. "Заримдаа харийнхны хэн нэг нь миний гарыг барьдаг. Тэд зөвхөн манай гаригийн цөөхөн оршин суугчидтай холбогддог. Тэд үргэлж биднийг харж байдаг.” хэмээн Ванга харийнхантай холбогдсон тухайгаа өгүүлсэн байдаг.

Харийнхан манай дэлхий дээр юу хийдэг юм бэ? Британий эрдэмтэн Timothy Good өөрийн "Beyond Top Secret: The Worldwide UFO Security Threat” номондоо "Дэлхий ‘завсрын бааз’ байсан нь богино хугацааны хэрэг биш. Тэд өнөөг хүртэл урт удаан хугацаанд оршин сууж ирсэн.” гэж бичсэн нь цорын ганц таамаг юм.

2011 оны 1-р сард Британий эрдэмтэд "харийхны суурьшилтай уулзах онцгой нөхцөл байдал”-д бэлтгэх хэрэгтэй хэмээн мэдэгдсэнээр барахгүй НҮБ-д онцгой хорооны сан хүртэл санал болгосон байна.

Үнэхээр харийнхантай холбогдсон хүмүүс байсан ч гэсэн харийнхан биднийг болон бидний дэлхийг сүйрүүлэхгүй, үхлийн аюул авчрахгүй гэдгийг хэн баталж чадах юм бэ?

URL: http://www.choibalsan.mn/index.php?newsid=4089