Монголын нэгэн өв соёлын үлдэгдэл улбаа болсон Хархорум хотын сүмийн туурийг ил музей болгох хамтын ажиллагааны гэрээндСоёл, спорт, аялал жуулчлалын сайд Ц.Оюунгэрэл болон ХБНГУ-ын Археологийн хүрээлэнгийн Ерөнхийлөгч Флесс нар гарын үсэг зурлаа.

Санамж бичгийн хүрээнд 2014 онд "Ил музей” байгуулах зорилгоор талууд эртний нийслэл Хархорум хотын буддын туурийн үлдэгдлийг сэргээн засварлана. Мөн цаашид соёлын өвийг сэргээн засварлах, "Ил музей”-д тавигдахаар сонгогдсон олдворуудыг нөхөн сэргээх болон үзэсгэлэнгийн танхимыг тохижуулахад хамтран ажиллах аж.

Монгол Улсын болон Холбооны Бүгд Найрамдах Герман улсын хууль тогтоомжийн дагуу мэргэжилтэн бэлтгэх, солилцох болон харилцан туршлага солилцох асуудлыг ч тусгасан.

Яамны зүгээс Холбооны Бүгд Найрамдах Герман Улсын судлаачид болон төсөлд шаардагдах овор ихтэй, зарим нэг буцах магадлалтай материал, тоног төхөөрөмжийн асуудлыг гаалийн татвараас чөлөөлөх тал дээр дэмжлэг үзүүлэх юм байна. 
Төслийг 2015 оны 12 дугаар сарын 31-ний өдөр бүрэн дуусгахаар төлөвлөсөн ажээ.

ЧОЙ