Америк дахь Монголчуудын Утга Зохиолын Нийгэмлэг /АМУЗН/-ээс санаачлан түүх,
мартаж үл болох эх хэл, соёлоо түгээн дэлгэрүүлэх, гал голомтоосоо харь
холд яваа монголчуудыхаа сэтгэлийн жаргал зовлон, баяр гунигийг уран
зохиолын аргаар нээн харуулах зорилгоор "Монголын их нүүдэл” утга зохиолын хөтөлбөрийг эхлүүлжээ.
Энэхүү хөтөлбөрийн удиртгал болгон эхлэн бичигч, утга зохиол сонирхон оролдож буй хүмүүсийг дэмжих,тэдэнд өөрийгөө нээх, олонд таниулах боломж олгох, харь нутагт аж төрж буй тэднийхээ баяр гуниг, үнэн сэтгэлийн өнгө аясыг утга зохиолоор нээн гаргаж, нийтэд түгээх зорилго бүхий яруу найраг, шилдэг бичвэр, зохион бичлэгийн уралдаануудыг Монголын Зохиолчдын Эвлэлтэй хамтран энэ оны 7 сарын 15-наас 10 дугаар сарын 15-ныг хүртэл хугацаанд Америкт оршин суугаа нийт монголчуудынхаа дунд зарлажээ.
Бүтээлүүдийг МЗЭ, АМУЗН-ийн хамтарсан комисс шүүн, яруу найргийн шилдэг бүтээлийг тодруулах бөгөөд шилдэг бүтээлийг 600-100 доллараар урамшуулах ажээ.
Я.Баяр
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих