Аймагт энэ жил хийгдэж байгаа автозамын барилга угсралт засварын ажлын гүйцэтгэлийн явцад хяналт тавих ажлын хэсгийнхэн авто замын ажлуудтай танилцлаа.Ажлын хэсгийнхэн Чойбалсан хотод тавигдаж байгаа мянганы замын нэг хэсэг болох автозамын ажилтай танилцсан юм.Одоогоор тус замын хучилтын ажлыг” НД” ХХК хийж эхлэхээр эхний хэсэг газартаа цацлагаа хийж байгаа бөгөөд бороо орохгүй цаг агаар тогтуун бол Зурагтай шар байрнаас Бумбат хороолол хүртлэх замыг 10 хоногт багтаан дуусгахаар ажиллаж байгаа гэж танилцууллаа.

Ер нь Чойбалсан хотод тавигдах мянганы замын 10 гаруй км замын хучилтын зузааныг Засгийн газрын шийдвэрээр 10 см болгохоор шийдвэрлэж хөрөнгө мөнгийн шийдвэрлэсэн юм. Харин энэ жил орон нутгийн төсвийн болон хөгжлийн сангийн хөрөнгөөр туслах замууд болон автозогсоолуудыг барихаар 2 багц 592 сая төгрөгний өртөгтэй тендерийг зарласнаас Авто агро ХХК шалгарч ажлаа эхлүүдээд одоогоор ажил нь 50 хувьтай хийгдэж байгаа юм. Энэ ажлын хүрээнд орон сууцны 38, 39, 40, 11, 12, 16, 4, 3, 2-р байр луу орж буй туслах замууд , 39, 38, 35, 9- р байрнуудын дундах автозогсоолуудын ажил хийгдэж дууссан байна. Үлдсэн ажлууд нь цаг хугацаандаа дуусна.

Хэрлэн сумын 4, 10-р багийн гэр хороолол дундуур баригдаж байгаа 900 сая төгрөгний өртөгтэй 2,3 км автозамын ажил үндсэндээ цутгалт нь дуусаж одоогоор ус зайлуулах сувгийн ажил хийгдээгүй байгаа юм байна.Энэ ажлын”ЭН ЭН ТИ ЭЙ” ХХК хийж гүйцэтгэж байна.

URL: http://www.choibalsan.mn/index.php?newsid=4429