НАМЗХ-ын Дэд ерөнхийлөгч Ё.Нямжаваар удирдуулсан НАМЗХ-ны бүсгүйчүүд УИХ-ын эмэгтэй гишүүдэд хандан "УИХ-ын эмэгтэй гишүүдэд эмэгтэйчүүд үг дайя” уриатай "Стикер” нэртэй аяныг зохион байгуулсан. Тэд Нарантуул олон улсын худалдааны төв, Улсын Клиникийн I эмнэлэг, Долоон буудал зэрэг олны хөлийн газруудаар явж, эмэгтэй гишүүдэд хандаж хэлэх санал бодлыг бичүүлж, наадаг цаасан дээр наалгасан юм. Энэ талаараа өнөөдөр "Монгол ньюс” мэдээллийн төвд хэвлэлийн хурал хийлээ.

"Стикер акц” аяны хүрээнд УИХ-ын эмэгтэй 11 гишүүнд хандан эмэгтэйчүүдээс 700 гаруй санал хүсэлт илгээсэн бөгөөд үүнээс УИХ-ын гишүүн Г.Уянга, Д.Оюунхорол, Л.Эрдэнчимэг, Ц.Оюунгэрэл нарт хандсан санал хамгийн их байжээ. Харин З.Баянсэлэнгэ, Э.Батчимэг, Р.Бурмаа нарын гишүүдэд санал бага ирсэн байна. Гэхдээ З.Баянсэлэнгэ гишүүнд гарын арван хуруунд багтах санал ирснээс "Candy crush битгий тоглоорой” гэх хүсэлт ирсэн байжээ. Нийт 700 гаруй саналаас дараах саналууд маш олон иржээ.

1.    Өрх толгойлсон эмэгтэйчүүдийн асуудал
2.    Шинэ төрөх эмнэлэг байгуулах
3.    Эмэгтэйчүүдийн хөдөлмөр эрхлэлтийн асуудал
4.    Эмэгтэйчүүдийн эмнэлгийн чанар, стандартын асуудал
5.    Архины хууль гаргах гэсэн таван санал давхардсан тоогоор маш их иржээ

time.mn

---