Арабын Нэгдсэн Эмират улсын идлэг шонхор клуб ирэх сард болох Абу Дабигийн олон улсын ан агнуур, морин спортын 12-р үзэсгэлэнгийн үеэр бүх дэлхийн хамгийн сүрлэг шонхор шалгаруулах арга хэмжээ зохионо гэж зарлалаа.

     9 сарын 10-13-ны хооронд болон үзэсгэлэнгийн үеэр тус клуб Эмират болон олон улсын шонхор судлалын мэргэжилтнүүдээс бүрдсэн шалгаруулалтын комиссыг ажиллуулж, шонхор шувуудыг биеийн жин, өдний өнгө, толгой, бие, сарвууны байдал, гадаад үзэмж, эрүүл мэндийн байдал зэрэг тал бүрээс нь шинжүүлж үнэлүүлэх юм.

      Эмиратын шонхрын клуб нь шонхрыг эрлийзжүүлэн гаршуулах ажиллагааг дэмжих арга замаар байгаль дээрх зэрлэг шонхрыг хамгаалах зорилгоор жил бүр дэлхийн хамгийн сайхан эрлийзжүүлсэн шонхор шалгаруулах арга хэмжээ явуулдаг уламжлалтай.

      Эмиратад шонхор шувууг олон зуун жилийн тэртээгээс гаршуулан сургаж ирсэн бөгөөд "Шах язгууртны спорт" гэгддэг байна. Арабын хойг, Европ, Төв Ази, Хойд Африкийн улс орон бүс нутагт идлэг шонхроор ан хийх уламжлал одоо ч хадгалагдсаар байгаа юм. Эмират, Катар, Монгол, Саудын Араб, Морроко зэрэг улс оронд шонхор сургах тусгай арга технологи, хоол, хувцас хэрэглэл төдийгүй холбоотой дуу бүжиг хүртэл байдаг. Өдгөө шонхор сургах уламжлал дэлхийн 80 гаруй орон бүс нутагт спортын төрөл болж хөгжиж байна. 2010 онд энэ соёлыг ЮНЕСКО дэлхийн биет бус соёлын өвийн жагсаалтдаа бүртгэж авсан юм.

/Бэлтгэсэн: Э.Эрдэнэсувд/

---