Сүүлийн өдрүүдэд ихээхэн хэмжээний усархаг бороо орсон. Үүнтэй холбоотойгоор гол усны түвшин огцом нэмэгдээд байгаа аж. Түүнчлэн энэ зун манай улсад өмнө нь болж байгаагүй байгалийн үзэгдэл бий болсон. Түүний нэг бол хар салхи юм. Уг салхи шуурганаар нэг хүн машинтайгаа хийсэж амиа алдсан харамсалтай хэрэг гарсан. Мөн энэ зуны улирал тийм ч таатай байсангүй бөгөөд усархаг бороо ихтэй өдрүүд олон байлаа.

 

    Ус, цаг уурын хүрээлэнгийн мэдээгээр 2014 оны долоодугаар сард Дорнод аймгийн Баян-Уул суманд хамгийн их хур тунадас орж 161.7 мм-т хүрсэн байна. Өмнөговь аймгийн Ханбогд суманд хамгийн их температур 41.4 хэм, Баянхонгор аймгийн Баянбулаг суманд хамгийн бага температур -4.4 хэмд хүрлээ. Салхины хамгийн их хурд Баян-Өлгий аймгийн Өлгий суманд 32 м/с хүрсэн байна. Аймгийн төв, нийслэлд агаарын дундаж хэм 2014 оны долоодугаар сард олон жилийн дунджаас 0.4 хэм, өмнөх оны мөн үеийнхээс 0.7 хэмээр дулаан байлаа.

 

   Азотын давхар ислийн хоногийн дундаж агууламж 2014 оны долооугаар сард Улаанбаатар хотын Баруун дөрвөн замын орчимд 24 удаа, 13-р хороолол орчимд 5 удаа, 32-ын тойрог орчимд 4 удаа, 1-р хороолол орчимд 2 удаа; 10 микроноос бага хэмжээтэй тоосны агууламж Баруун дөрвөн зам орчимд 17 удаа, Хархорин захын орчимд 9 удаа, 32-ын тойрог орчимд 8 удаа агаарын чанарын стандарт дахь хүлцэх хэм хэмжээнээс давсан байна.

---