Хайгуулын тусгай зөвшөөрлийг солбицлоор олгоно

2014/09/15, 12:48 0

Өнөөдөр 11:00 цаг Уул Уурхайн Яаманд "Хайгуулын тусгай зөвшөөрөл олгох тухай" хэвлэлийн хурлыг Уул уурхайн яамны сайд Д.Ганхуяг болон албаны хүмүүс сэтгүүлчдэд мэдээлэл хийлээ.

"Хайгуулын тусгай зөвшөөрлийг солбицлоор 09 дүгээр сарын 24-ний өдрөөс эхлэн олгож эхлэнэ. ХТЗ-ийг зөвшөөрлийг солбилзлоор олгосноор Монгол Улсын эрдэс баялагын албан есны нөөц нэмэгдэж, улсын эдийн засгийн чадавх, дархлаа сайжирна. Мөн хөрөнгө оруулалт нэмэгдэнэ.

Нийт газар нутгийн 19.88 хувьд, үүнээс 13.39 хувийг өргөдлөөр, 6.49 хувийг сонгон шалгаруулалтаар олгоно. Хуульд заасны дагуу сонгон шалгаруулалтын 6.49 хувийн талбай нь улсын төсвийн хөрөнгөөр хийсэн геологийн хайгуулын талбай, мөн ХТЗ-г буцаасан талбайгаас бурддэг.

Солбилзлоор олгож байгаа нь өмнөх шигээ замбараагүй олгохгүй, түүнчлэн ашигт малтмал эрэх, хайх, олоборлох, ашиглах үйл ажиллагаа нь шинжлэх ухааны үндэслэлтэй бүрэн хяналттай болсоныг харуулж байгаа юм.

ХТЗ-ийг солбилцлоор олгохдоо ил тод байдлыг иж бүрэн бүрдүүлж, өргөдлийн дугаарыг мэдээлэлийн технологийг ашиглаж онлайнаар авах боломжийг бүрдүүлсэн.

Эрхзүйн орчин;

Засгийн газрын 2012-2016 оны үйл ажиллагааны хөтөлбөрт "Ашигт малтмалын хайгуулын тусгай зөвшөөрлийг зөвхөн төрөөс тогтоосон нутаг дэвсгэрт олгодог болгох чиглэлээр эрхзүйн орчин бүрдүүлнэ" гэж заасны дагуу Засгийн газраас өргөн барьсан "Ашигт малтмалын тухай хуульд нэмэлт, өөрчлөлт оруулах тухай", мөн "Ашигт малтмалын хайгуулын тусгай зөвшөөрөл шинээр олгохыг хориглох тухай хуулийг хүчингүй болсонд тооцох тухай" хуулиудыг УИХ-ын 2014 оны 7 дугаар сарын 1-ний өдрийн нэгдсэн чуулганаараа тус тус баталсан билээ.

Ашигт малтмалын тухай хуулийн 9 дүгээр зүйлийн 9.1.11 дэх заалтад "геологи, уул уурхайн асуудал эрхэлсэн төрийн захиргааны төв байгууллагын саналыг үндэслэн хайгуулын тусгай зөвшөөрөл олгох талбайг солбицлоор тогтоож, нийтэд мэдээлэх" гэж тусгасан.

Ингэснээр Ашигт малтмалын хайгуулын тусгай зөвшөөрлийг солбилзлоор олгож эхлэх эрхзүйн боломж нээгдэж, улмаар Монгол Улсын нутаг дэвсгэрийн геологийн тогтоцыг үе шаттайгаар судлан, эрдэс баялгийн сан хөмрөгийг баяжуулах, эдийн засгийн чадавхи, өрсөлдөх чадварыг дээшлүүлэх, хөрөнгө оруулалтын хэмжээ нэмэгдэх боломж бүрдэнэ." хэмээсэн.

ХТЗ-ийг солбилцлоор олгохдоо иргэд албан байгууллагууд өргөдлөөр оролцоход гадны болоод ажилчдын нөлөөг багасгана мөн нэг цэгийн үйлчилгээг нэвтрүүлснээр хариуг өдөрт нь өгөх бөгөөд тухайн аймгийн засаг дарга болон ИТХ-ын зөвшөөрөлд үндэслэж шийдвэрлэнэ.

Хайгуулын тусгай зөвшөөрлийн лиценз олгохтой холбогдуулан өмнө царцаагдаад байсан хайгуулын лицензийн тухай асуудал хөндөгдөн яригдсан бөгөөд энэхүү 1336 тусгай лицензүүдийн 50 орчим хувь нь Урт нэртэй хуулийн заалтуудыг зөрчиж байгаа тул хуулийн төсөлд тусгайлан үзэж нөхөн олговрыг Засгийн газраас олгох юм байна. Энэ нөхөн олговорт нийтдээ 27 тэрбум гаруй долларын төсөв шаардагдаж байгаа юм байна.

URL: http://www.choibalsan.mn/index.php?newsid=5190

Танд манай сайт таалагдаж байвал Like дарна уу. Танд баярлалаа

Танд мэдээ таалагдаж байвал Like дарна уу.

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд choibalsan.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг манай сайтын зүгээс устгах эрхтэй!