Э.ӨНӨР

Төр, нийгмийн нэрт зүтгэлтэн Юмжаагийн Цэдэнбал амьд сэрүүн байсан бол өчигдөр 98 насанд хүрэх байв. Түүний мэндэлсэн өдрийг тохиолдуулан үр хүүхэд, ах дүү, хамаатан садан, намын нөхөд нь хүндэтгэл үзүүлж хөшөөнд нь цэцэг өргөв. Монгол Улсын тусгаар тогтнолыг бататгаж, эх орныхоо хөгжил цэцэглэлтийн төлөө  ажил амьдралаа зориулсан түүхэн бахархлыг нь дурсан хүндэтгэл үзүүлсэн юм. Хүндэтгэлийн арга хэмжээнд Ю.Цэдэнбал агсны төрсөн дүү 89 настай Ю.Аюуш, 86 настай Ю.Жавзан, ач охин Анастасия Зориговна Цэдэнбал болон УИХ-ын гишүүд, МАХН, МАН-ын удирдлагууд оролцож үг хэллээ. Энэ үеэр МАХН-ын төлөөлж УИХ-ын гишүүн, Сангийн сайд Ч.Улаан "Төр, нийгмийн нэрт зүтгэлтэн, Монголын ард түмний нэрт удирдагч Юмжаагийн Цэдэнбал агсны мэндэлсэн өдөр намрын эхэн сарын нэгэн налгар өдөр тохиож байна. Тэрээр хагас зуун жил төр удирдахдаа Монголын тусгаар тогтнол, эдийн засгийн хөгжил, иргэдийнхээ ажил амьдрал, боловсролд түүхэн их хувь нэмэр, өөрчлөлтийг бий болгосон бахархалт удирдагч билээ. МАХН түүнийг цагтаатгуулахаар ажлын хэсэг гарган ажиллаж байна” хэмээсэн юм.

Эх сурвалж: "Зууны мэдээ" сонин

URL: http://www.choibalsan.mn/index.php?newsid=5277