Дорнод аймаг дахь Адуунчулуун нүүрсний уурхайгаас нүүрс олборлодог "Адуунчулуун” ХХК нүүрсний үнээ нэмсэн байна. Тус компани өнгөрсөн жил тонныг нь 12000 төгрөгөөр зарж байсан нүүрсээ энэ жил 15000 төгрөгөөр борлуулахаар шийдвэрлэв. Иргэд, аж ахуйн нэгж, байгууллагууд өдөржин дугаарлаад ч нүүрс авч чадалгүй хоосон буцаж, хэдэн өдөр дараалалд зогсох тохиолдол ч гардаг гэнэ. Энэ байдал өнөө жил ч арилаагүйд худалдан авагчид бухимдалтай байна. Үүнээс гадна жолооч нар нүүрс тээвэрлэх хөлсөө санаан зоргоороо тогтоож иргэдийг чирэгдүүлдэг аж.

---