Монгол Улсад үүссэн эдийн засгийн хямралаас үүдэн үндэсний үйлдвэрлэгч аж ахуйн нэгжүүд үйл ажиллагаагаа зогсоож хаалгаа барих нь ихэсч, улмаар ажлын байргүй, орлоггүй иргэд нэмэгдэж буйд анхаарал хандуулж Монголын Ажил Олгогч Эздийн Нэгдсэн Холбоо, Монголын Хэрэглэгчдийн Эрх Ашгийг Хамгаалах Нийгэмлэгүүдийн Үндэсний Холбоо, Тусгаар Тогтнол-Нийгмийн Ардчилал ТББ-ууд хамран "Эх орны бүтээгдэхүүнээ сонгоё 2015” хөдөлгөөнийг 2014 оны 11-р сараас эхлэн зохион байгуулж, идэвхтэй хамтран ажиллахаа илэрхийлж санамж бичигт 10-рын 15-ны өдөр гарын үсэг зурсан байна. 

Тэд санамж бичгийн хүрээнд дараахь үндсэн зорилтуудыг хэрэгжүүлнэ:

* Эх орны бүтээгдэхүүнээ сонгодог болох зан үйлийг хэрэглэгчдэд хэвшүүлэх

* Үндэсний үйлдвэрлэгчийн бараа бүтээгдэхүүнийг сурталчлах, худалдан авалтыг нэмэгдүүлэх, ажлын байрыг хадгалах

* Эх орны бүтээгдэхүүнээ сонгоё өдрийг нийтээр тэмдэглэх өдөр болгох

Монголын Ажил Олгогч Эздийн Нэгдсэн Холбоо, Монголын Хэрэглэгчдийн Эрх Ашгийг Хамгаалах Нийгэмлэгүүдийн Үндэсний Холбоо, Тусгаар Тогтнол-Нийгмийн Ардчилал ТББ нь энэхүү санамж бичгийн зорилтуудыг үр дүнтэй хэрэгжүүлэх зорилгоор талууд үйл ажиллагааны хөтөлбөрийг баталж хэрэгжилтэд хяналт тавьж ажиллах юм байна.

"Эх орны бүтээгдэхүүнээ сонгоё 2015” хөдөлгөөнийг санаачлагчдын зүгээс Ерөнхийлөгч, УИХ, Шинэчлэлийн засгийн газар, төрийн болон төрийн бус байгм, хөдөлгөөнүүд, хувь хүмүүсийг хамтран ажиллаж, хөдөлгөөнд идэвхитэй оролцож, өөрсдийн хувь нэмрээ оруулахыг уриалж байгаагаа мэдэгджээ.

---