Монгол Улс өнөөдрийн байдлаар Дорнод аймгийн Тамсаг болон Зүүнбаян
сумаас газрын тосны олборлолтыг хийж байгаа билээ. Харин 2009 оноос
эхлэн Өмнеговь аймагт газрын тосны геологи хайгуул хийж Ханбогд сумын
нутгийн Галба 11-рталбайгаас газрын тос илэрсэн гэх таатай мэдээлэл
байна. Одоогоор тус аймагт гадна, дотны хөрөнгө оруулалттай дөрвөн
компани зургаан талбайд хайгуул хийж байгаа бөгөөд БНХАУ-ын компанийн 14
өрөмний 13-т газрын тос илэрчээ. Тодруулбал, тус улсын төрийн өмчит
компани 20x40 км-ийн талбайгаас газрын тос илрүүлсэн байна. Энэ дагуу
Уул уурхайн яамны болон Газрын тосны газрын мэргэжилтнүүд очиж танилцсан
ажээ.Дээрх компаниуд Өмнөговь аймгийн Ханбогд
сумын Галба 11 талбайд энэ жил 11 сар хүртэл үйл ажиллагаа явуулах юм
байна. Тэд өнөөдрийн байдлаар Ханбогд сумын ойролцоох зургаан сумдаас
128 монгол ажилчдыг авч ажиллуулж байгаа гэнэ. Тиймээс энэ нь байгаль
экологидоо давхар хяналт тавих боломжийг олгож байна гэж мэргэжилтнүүд
үзэж байгаа ажээ. Мөн ирэх жилээс олборлолт эхлэхээр энэ тоо нэмэгдэх
гэнэ.
Манай улсын хувьд дээр дурьдсанчлан
Тамсагт 46 сая тонн, Зүүнбаянд 2.3 сая тоннын батлагдсан нөөцийг
олборлож байгаа аж. Харин энэ оны долоодугаар сард Газрын тосны тухай
хууль шинэчлэгдсэнтэй холбоотойгоор гадны хөрөнгө оруулалтыг энэ салбарт
татахаас гадна манай улсад үлдэх хувь хэмжээ ч нэмэгдэх болсоныг
салбарынхан онцолж байна.
П.Жаргал /ГЕОЛОГИ УУЛ УУРХАЙН МЭДЭЭ/
URL: http://www.choibalsan.mn/index.php?newsid=5738
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
.png)
Сэтгэгдэл бичих