Монгол Улс хоёр улсын хилийн дагуу алтайн уулсаар амьдардаг уулын зэрлэг хонь буюу аргалиа ОХУ-тай хамтарч тоолохоор болжээ. ОХУ-ын Байгаль орчны сайд Сергей Донской, Монголын Байгаль орчин ногоон хөгжлийн сайд С.Оюун нар уулзаж энэ талаар тохиролцсон байна.

Сергей Донско хоёр улс сүүлийн үед салбартаа нягт хамтран ажиллаж байгааг цохон тэмдэглээд, хилийн дагуух нутгаар амьдардаг зэрлэг хонь буюу аргалийг хамтарч тоолох нь илүү олон хүн, техник оролцуулах боломжийг бүрдүүлнэ, тэр хэрээр үнэн бодитой тоо гаргах магадлалтай хэмээн хэлсэн байна.

Аргаль тооллого өчигдөр буюу энэ сарын 20-ноос эхэлж, 30-ныг хүртэл үргэлжлэх юм байна. Улмаар урьдчилсан тоог ирэх сарын 15-ны дотор, эцсийн дүнг арванхоёрдугаар сарын 15-ны дотор багтаан зарлах юм байна.

Х.Сайхан

Эх сурвалж: www.mminfo.mn

---