Өчигдөр буюу 2014 оны 03 дугаар сарын 20-нд БОЭТ –ийн сүрьеэ диспансерийн лабораторид сүрьеэ өвчнийг богино хугацаанд оношлох "Gene Xpert” аппаратыг ХӨСҮТ-ийн сүрьеэ тандалт судалгааны албаны дарга О.Батбаяр, ХӨСҮТ сүрьеэгийн тандалт судалгааны лабораторийн эмч Т.Оюунтуяа, ДЭМБ зөвлөх Сатоши Митарай нар хүлээлгэн өглөө. Сүрьеэ өвчний оношлогоонд уламжлалт хатуу тэжээлт орчинд түрхэц бэлтгэн микроскопоор харах аргын сацуу бүрэн автоматажсан молекул генетикийн аргыг нэвтрүүлж байна. Өмнө нь сүрьеэ өвчнийг оношлоход 50-60 хоногт шинжилгээний хариуг өгдөг байсан бол одоо ийнхүү богино хугацаанд оношлогдог боллоо.

 

Энэ аргын давуу тал нь олон эмэнд тэсвэртэй сүрьеэгийн оношлогоог өндөр мэдрэмжтэй богино хугацаанд хийх, ингэснээр олон эмэнд тэсвэртэй сүрьеэгийн оношлогоог цаг хоёр цагийн дотор хийдэг болж байгаа юм. Тус аппарат нь 80 мянган долларын үнэтэй, Монгол улсын хэмжээнд  хоёр байгаа бөгөөд ХӨСҮТ –ийн лавлах лаборатораас гадна орон нутагт анх удаа Дорнод аймагт нэвтэрч байна. Хүлээлгэн өгөх  үйл ажиллагаанд БОЭТ–ийн  захирал Д.Должин, эмчилгээ эрхэлсэн орлогч дарга Ё.Оюунцэцэг, Дорнод аймгийн ЗДТГ-ын эрүүл мэнд хариуцсан мэргэжилтэн Ц.Мөнхбаатар, БОЭТ –ийн халдвартын клиникийн эрхлэгч Д.Оюунбилэг, чанарын албаны дарга У.Ашиймаа, Сүрьеэ диспансерийн эрхлэгч Б.Баттөр болон сүрьеэгийн зохицуулагч эмч Б.Эрдэнэцэцэг, сувилахуйн албаны дарга Д.Ариунаа нар болон бусад холбогдох албаны хүмүүс байлцлаа.

,