Дэлхийн байгаль хамгаалах сангийн Монгол дахь хөтөлбөрийн газар, Увс нуурын ай савын улсын тусгай хамгаалалттай газар нутгийн Хамгаалалтын захиргаа, "Гулзатын санаачлага" ТББ хамтран энэ сарын эхээр Увс аймагт аргалийн тооллого явуулсан байна.

Энэхүү тооллогыг Цагаан шувуут уулын дархан цаазат газар болон Цагаан гол орчмын газар, Мандахын аараг, Хүрмийн нурууг хамруулан явуулжээ. Увс аймагт 1541 аргаль тоологдсоноос хонь 797, угалз 314, хурга 310, тодорхойгүй 120 бүртгэгдсэн байна.

Өнгөрөгч 2012 онд 1046 аргаль тоологдож байсан бол сүүлийн хоёр жилд тоо толгой нь харьцангуй өссөнд мэргэжлийн байгууллагынхан баяртай байна. Үүнээс гадна Бөхмөрөн сумын нутагт хар сүүлтийн тооллого явуулахад 119 хар сүүлт бүртгэгджээ.

Эх сурвалж: "Увсын өнгө” сонин

---