Дэлхийн байгаль хамгаалах сангийн Монгол дахь хөтөлбөрийн газар уржигдраас Дорнод аймгийн Хөлөнбуйр суманд цагаан зээрийн үнэ цэнийг сурталчлах аян эхлүүллээ. Нэг сарын хугацаанд үргэлжлэх энэхүү аян Хэнтий аймгийн Дадал, Норовлин, Батноров, Баян-Овоо, Дорнод аймгийн Цагаан-Овоо, Баян-Уул, Хөлөнбуйр, Сүхбаатар аймгийн Түмэн цогт сумаар өртөөлнө.

Ингэхдээ нутгийн иргэд болон байгаль хамгаалагчдад Тосонхулстай, Хар ямаат орчмын бүсэд цагаан зээрийн үнэ цэнэ, ач холбогдлыг таниулж, зээрийн сүргийн намар, өвлийн нүүдлийн нутгийг тодорхойлох, тэрхүү зам дагуух аюулаас урьдчилан сэргийлэх, эргүүл хяналт гаргах зорилго өвөртөлжээ.

URL: http://www.choibalsan.mn/index.php?newsid=6167