Монголын үндэсний олимпийн хорооноос жил бүр зохион байгуулдаг "Бөртэ чоно" наадмын тов гараад байсан билээ. Харин
өчигдөр оны шилдэг тамирчдыг тодруулдаг энэхүү наадмын нэр дэвшигчид албан ёсоор тодорчээ. Шилдэг тамирчдыг уламжлал ёсоороо Монголын спортын сэтгүүлчдийн холбооны гишүүд тодруулна. Энэ удаа олон улсын жишгийн дагуу анх удаа
эрэгтэй, эмэгтэй тус бүр гурван тамирчныг нэрлэх юм. Ингэхдээ оны шилдэг тамирчид, спорт тоглоомын баг, дасгалжуулагч
гэсэн номинацад шилдгүүд тодрох учиртай. Спортын сэтгүүлчдийн саналыг энэ сарын 22-ныг хүртэл авахаар боллоо. Ингээд нэр дэвшигчдийг танилцуулъя.

ОНЫ ШИЛДЭГ ЭМЭГТЭЙ ТАМИРЧИН
Алтанцэцэгийн БАТЦЭЦЭГ /чөлөөт бөх/-дэлхийн залуучуудын аварга, гранпри тэмцээний хүрэл медальт
Очирбатын БУРМАА /чөлөөт бөх/-дэлхийн аваргын хүрэл, Азийн наадмын хүрэл, гранпри тэмцээний хошой алтан медальт
ГАР БУУНЫ ЭМЭГТЭЙ БАГ-дэлхийн аваргын мөнгө, Азийн наадмын хүрэл медальт
Отрядын ГҮНДЭГМАА /буудлага/-дэлхийн цомын алт, хошой мөнгө, Азийн наадмын хүрэл медальт
ЖҮДО БӨХИЙН ЭМЭГТЭЙ БАГ-дэлхийн аваргын мөнгөн медальт

Чулуунбадрахын НАРАНТУЯА /буудлага/-Азийн наадмын аварга

Доржсүрэнгийн СУМЪЯА /жүдо/-ДАШТ-ий шагналт V байр, Азийн наадмын хүрэл, гранпри тэмцээний мөнгө, хүрэл медальт, самбо бөхийн дэлхийн аварга
Мөнхбатын УРАНЦЭЦЭГ  /жүдо/-Азийн наадмын алт, "Их дуулга"-ын хошой алт, мөнгөн медальт, самбо бөхийн дэлхийн аварга
Сүхээгийн ЦЭРЭНЧИМЭД /чөлөөт бөх/-дэлхийн аварга, Азийн наадмын хүрэл, Азийн аваргын хүрэл, гранпри тэмцээний мөнгөн медальт

ОНЫ ШИЛДЭГ ЭРЭГТЭЙ ТАМИРЧИН
Ганбатын БОЛДБААТАР /жүдо/-дэлхийн аваргын алт, Азийн наадмын мөнгө, "Их дуулга" болон гранпри тэмцээний алтан медальт
Дамдинхорлоогийн БОЛДБААТАР /мото спорт/-"Дакар ралли"-д амжилттай оролцож, "Ралли Монголиа"-д түрүүлсэн
Өлзийбаярын ДҮҮРЭНБАЯР /жүдо/-залуучуудын дэлхийн аварга, Азийн наадмын мөнгө, гранпри тэмцээний мөнгөн медальт
Ганзоригийн  МАНДАХНАРАН /чөлөөт бөх/-ДАШТ-ий хүрэл, гранпри тэмцээний алт, хүрэл медальт
Энхсайхны НЯМ-ОЧИР /чөлөөт бөх/-ДАШТ-ий хүрэл, гранпри тэмцээний алтан медальт
Доржнямбуугийн ОТГОНДАЛАЙ /бокс/-Азийн наадмын аварга
Даваадоржийн   ТӨМӨРХҮЛЭГ  /жүдо/-Азийн наадмын алт, Азийн элсний спортын наадмын алт, гранпри тэмцээний мөнгө, хүрэл медальт, самбо бөхийн дэлхийн аварга
Найдангийн ТҮВШИНБАЯР /жүдо/-Азийн  наадмын аварга, гранпри тэмцээний мөнгө, хүрэл медальт
Доржхандын ХҮДЭРБУЛГА /чөлөөт бөх/-ДАШТ-ий шагналт, Азийн аварга, Азийн наадмын хүрэл, гранпри тэмцээний хошой хүрэл медальт

ОНЫ ШИЛДЭГ БАГ
САГСАН БӨМБӨГИЙН ЭМЭГТЭЙ ШИГШЭЭ БАГ-Азийн наадмын 11 багаас шөвгийн наймд үлдсэн, Азийн элсний спортын наадамд шөвгийн дөрөвт үлдсэн
САГСАН БӨМБӨГИЙН ЭРЭГТЭЙ ШИГШЭЭ БАГ-Азийн наадамд 16 багаас шөвгийн наймд үлдсэн
ХОККЕЙН ШИГШЭЭ БАГ-Challenge cup тэмцээний  хүрэл медальт

ОНЫ ШИЛДЭГ ДАСГАЛЖУУЛАГЧ
Одвогийн БАЛЖИННЯМ-жүдо бөхийн үндэсний шигшээ багийн ахлах дасгалжуулагч
Дамдинбазарын БАТСҮРЭН-Боксын үндэсний шигшээ багийн ахлах дасгалжуулагч
Дашгомбын БАТТУЛГА-Жүдо бөхийн үндэсний шигшээ багийн дасгалжуулагч
Жамсрандоржийн БАЯРСАЙХАН-Самбо бөхийн шигшээ багийн ахлах дасгалжуулагч
Лхагвын УНДРАЛБАТ-Буудлагын спортын үндэсний шигшээ багийн ахлах дасгалжуулагч
Цэрэнбаатарын ХОСБАЯР-дэлхийн аварга С.Цэрэнчимэдийн үндсэн багш
Цэрэнбаатарын ЦОГТБАЯР-Чөлөөт бөхийн үндэсний шигшээ багийн ахлах дасгалжуулагч
Шархүүгийн ЦЭВЭЛМАА-Жүдо бөхийн үндэсний шигшээ багийн дасгалжуулагч нар тус тус нэр дэвшлээ.

URL: http://www.choibalsan.mn/index.php?newsid=6656