БНХАУ ойрын хугацаанд "Зинь" төрлийн цөмийн шумбагч онгоцныхоо тусах алслалтыг нэмэгдүүлсэн "JL-2" баллистик пуужингаар зэвсэглэхээр болжээ. Энэ мэдээг АНУ-ын Конгрессийн дэргэдэх Америк-Хятадын эдийн засаг ба аюулгүй байдлын комисс нь улсынх нь үндэсний аюулгүй байдалд аюул учруулж байгаа зүйл гэж дүгнэсэн байна.

Тус комиссийн илтгэлд дурдаснаар "Зинь" төрлийн цөмийн шумбагчийг илрэх боломжийг багасгадаг технологи ашиглан үйлдвэрлэсэн тул задгай далайд явах үед нь байршлыг нь тогтооход маш хэцүү болжээ.

Одоо Хятадын Ардын чөлөөлөх армийн Тэнгисийн цэргийн хүчин нь гурван ийм шумбагчтай. 2020 он гэхэд нэмж хоёр шумбагч зэвсэглэлдээ авна. Нэг ийм шумбагч нь 7.4 мянган км-ийн алсын тусгалтай 12 баллистик пуужин тээх чадвартай. Ингэснээр шаардлага гарвал Хятадын шумбагч нь өөрийн эрэг орчмоос Аляскад цөмийн цохилт өгөх чадвартай болж байна. Японы арлууд орчмын тэнгисээс пуужингаа харвавал Хавайн арлууд хүрч чадна. Харин Хавайн арлаас өмнөд хэсэгт орших далайгаас пуужин харвавал Америкийн 50 мужид бүгдэд нь цөмийн цохилт өгөх боломжтой болох аж.

Б.Ариунцэцэг /Zindaa.mn/