Хамгийн сүүлд компьютерээ хэрхэн ашигласанаа эргэн нэг бодоод үзээрэй. Чи магадгүй фэйсбүүк рүүгээ орсон уу, ямар нэгэн  хөгжилтэй тоглоом тоглосон уу,  эсвэл дэлгэцээ доош нь гүйлгэж сонирхолтой зураг үзсэн үү. Эдгээр зүйлсийг хийхэд компьютерийн нэгэн чухал хэрэгсэл болох "хулгана” чамд тусалсан биздээ.

1968 онд Дуглас Энгельбарт хэмээх хүн хүмүүсийг компьютер удирдахад илүү дөхөм болгох зорилготой нэгэн хэрэгслийг зохион бүтээсэн нь доороо дугуйтай модон тавцан байсан бөгөөд ардаас нь гарсан  утас нь яг л хулганы сүүл шиг цухуйсан нэгэн төхөөрөмж байв.

 Судлаачдын зөвлөснөөр Энгельбартад өөрийн бүтээлээ "хулгана” хэмээн нэрлэснээр энэхүү шинэ төхөөрөмж нь одоогийн нэрээ олсон юм.

Түүнчлэн Дуглас сүүлтэй  хулгана шиг энэхүү төхөөрөмжийг санааг гарган түүнтэй хамт ажилладаг байсан аспирант Билл Инглиш гардан хийжээ. Мөн компьютерийн хулганы программ хангамжаар ажиллаж байсан Жеф Рулифсон сүүлд тэдэнтэй нэгдэн одоогийн бидний хэрэглэй буй хулганыг бүтээхэд ихээхэн хувь нэмэр оруулсан байна.

Гэхдээ анхны хулганы  дүр төрх нь  өнөөдөр  бидний хэрэглэж байгаагаас өөр байсан ба ширээн дээгүүр дугуйгаараа өнхөрдөг энгийн модон хайрцаг нь өнхрөлтийнхөө тоон мэдээллийг комьпютерт өгснөөр дэлгэц дээрх курсорыг удирддаг байсан гэнэ.

---