Энэ оны нэгнээс эхлэн Монгол Улсын ерөнхийлөгч Ц.Элбэгдоржийн санаачилгаар "Шилэн данс"-ны тухай хууль хэрэгжиж эхэлсэн билээ. Энэ мэдээ бол төрийн байгууллагуудын санхүүгийн тайлан тооцоо ард иргэдэд ил тод болж байгаа хэмээн хэн хүнгүй л баяртайгаар хүлээж авсан. Гэхдээ энэхүү хуулийн заалтанд нэг л зүйл тодорхой бус байгаад байгаа нь гайхалтай.

 

Тодруулбал 3.3-т заасан "Төрийн нууцад хамаарах төсөв, үндэсний аюулгүй байдлыг хангахтай холбогдсон гүйцэтгэх ажил эрхлэх эрх бүхий байгууллагын гүйцэтгэх ажилтай холбоотой төсвийн төлөвлөлт, гүйцэтгэл, хэрэгжилт, тайлагнал энэ хуульд хамаарахгүй." хэмээсэн. Чухам юу нь төрийн нууц байж тайлан тооцоогүй, шилэн дансаар орохгүйгээр алга болох юм. Үүнийг арай тодруулаад хэлчихвэл зүгээр мэт.

 

Хардах болсны шалтгаан нь тус хуулийн хамрах хүрээ буюу 3-р зүйлд зааснаас харвал төрийн өмчит мөн засгийн газрын тусгай сан гэх мэтхэнээр төрийн байгууллагуудын дансыг хянах ажээ. Харин өнөө л том гарын хөрөнгө дээр суудаг УИХ-ын гишүүнүүд болон төрийн санхүүжилтийн талаар тусгасан нь тодорхой бус байгаа нь но-той. Тухайлбал Үндэсний аюулгүй байдлыг хангах үүднээс гэсэн хөрөнгө зарлага нь чухам юуг хэлэхээ илүү тод болгосон бол илүү үнэнд нийцэх байсан хэмээн бодсноо илэрхийлэв.

 

 

 

ЧОЙ

---