Эрдэмтдийн боловсруулсан шинэ онолоор  дэлхий  хоёр  да­гуул­­тай байсан хэмээн үзжээ. Тэдний таамаглаж байгаагаар хоёр дахь дагуул нь хэмжээгээрээ сарны дөрвөн хувь­тай тэнцэж байсан гэх бөгөөд мөргөлдсний улмаас нэг дагуул нь үгүй болсон гэлээ.

Судлаачид ийм дүгнэлтэд хүрэх болсон нь сарны гадаргууны хоёр талын бүтэц өөр бай­дагтай нь холбоотой юм. Манай гариг руу харсан хэсэг нь олон тогооноос бүтсэн байдаг бол нөгөө тал нь уулар­хаг бүтэцтэй гэнэ. Хоёр дагуул хэдэн сая жил зэрэгцэн оршиж байгаад хоорон­доо мөргөлд­сө­нөөс сарны гадар­гууд өөрчлөлт гарсан хэмээн эр­дэм­­тэд таамаглаж байна.

Кали­фор­нийн их сургуу­лийн судлаачид хэдий­гээр сар тэнхлэгээ тойрон эргэдэг ч эх дэлхий рүү зөвхөн нэг талаараа л хардгийг онцолж бай­гаа юм. Одон орон суд­лаачид сарны гадаргуу яагаад хоёр өөр бүтэцтэй байдаг талаар өнөөг хүртэл маргалдсаар байгаа. Харин дээрх онолыг гаргаж ирснээр сар­ны бүтцийг тайлбар­лахыг хичээж байна. Эрдэмтдийн үзэж байгаа­гаар хоёр дахь дагуул сарыг 7200-10800 км/цаг хурдтай мөргөсөн хэмээх тооцоог хүртэл гаргажээ.

ЧОЙ

URL: http://www.choibalsan.mn/index.php?newsid=7186