Д.Эрдэнэбат сайд болоод тунчиг завгүй явна. Тиймээс гэр бүлийнхээ бүх ажлыг эхнэртээ даатгасан байна. Удахгүй болох сар шинийн баярын бэлтгэлийг базаах үүрэг авсан эхнэртээ "гадаадаас биш дотоодоосоо” гэж шинэхэн сайд зөвлөсөн байна. Учир нь Аж үйлдвэрийн сайд болсон учраас амьдралаа ч ажилтайгаа хослуулах нь зохимжтой гэж үзсэн бололтой. Энэ тухайгаа тэрээр баталж "Сар шинийн баярын бэлтгэл хангах завгүй явна. Манай эхнэр зохицуулна. Би Аж үйлдвэрийн сайд болсон болохоор гадны юм битгий аваарай гэж хэлсэн” гэж хэвлэлийнхэнд ярилаа. Д.Эрдэнэбат сайд ингээд зогсохгүй өөрийнх нь хэрэглээ гадаадынх гэдгийг ч нуусангүй. "Яг үнэндээ хэлэхэд миний бүх хэрэглээ гадаадынх. Хүн бүр өөр өөрийнхөө хэрэглээг амьдралынхаа төвшнөөр хэмжиж байгаа. Гэхдээ би Монголын нэг компанид цагаан сорочкон цамц захиалчихсан. Хэрэв сэт­гэлд нийцвэл гадаадад ч өм­сөнө” хэмээн үндэс­ний үйлдвэрлэгчдэд най­даж буйгаа хэлнэ лээ. Захиалгыг сэтгэлд нь ний­цүүл­бэл Аж үйлд­вэ­­рийн сайд маань до­тоод руу урваж, гад­ны хэрэглээнээсээ татгал­зах нь байна шүү, үйлдвэрлэгчид ээ.

Б.ЭНХ /ЗУУНЫ МЭДЭЭ/

URL: http://www.choibalsan.mn/index.php?newsid=7566