Монголын ард түмний уламжлалт өв соёлын нэг морин хуур хөгжмийг уламжлан хөгжүүлэх, дэлгэрүүлэх зорилгоор "Морин хуур эхлэн суралцагчдад зориулсан видео хичээл"-ийн ном, DVD-г "Монгол угсаатан, нүүдэлчдийн өв соёл" Төрийн бус байгууллагаас эрхлэн хэвлэн гаргажээ. Айл гэр, албан газар бүрийн хойморт залрах болсон морин хуур хөгжмөө хоймортоо өлгөдөг биш эгшиглүүлдэг болцгоож, сурахыг хүссэн хүн бүр гэрийнхээ жаврыг өөрсдөө үргээж, өвөг дээдэс ахан дүүстээ морин хуурын эгшгээр сэтгэлийн мялаалга өргөхөд тань туслах энэхүү бүтээл нь өв соёлоо түгээн дэлгэрүүлэхэд маш их ач холбогдолтой юм. Тус хичээлийг үзсэнээр хуурын анхны мэдэгдэхүүн, бүтэцтэй танилцаж, хөгжмөө зөв барих, нумаа зө.в татаж түлхэж дуугаргаж сурах, хөнгөн хэлбэрийндуу эгшиглүүлэх, номонд орсон аяыг тоглож сурахаас гадна хуурын энгийн засвар үйлчилгээг хийж сурах юм. Хичээлийг Монгол улсын ЕрөнхийЛөгчийн нэрэмжит шагналт, Мэргэжлийн морин хуурчдын улсын болон олон улсын уралдааны гранпри щагналт, дэлхийн урлагийн олимпийн алтан медальт, СУИС-ийн багш П.Тэмүүжин заажээ.

О.Эрдэнэчимэг /ҮНДЭСНИЙ ШУУДАН/

URL: http://www.choibalsan.mn/index.php?newsid=7649