Багшлах боловсон хүчин болоод сургалтын орчины талаар ихээхэн анхааран ажиллах болсон.

Тэгвэл өнгөрсөн хичээлийн жилийн байдлаар ерөнхий боловсролын сургуульд 498 мянган сурагч суралцаж, 26.8 мянган багш хичээл зааж байв. Нийт багш нарын 28 нь доктор, 3144 нь магистр, 18354 нь бакалавр зэрэгтэй, 5236 нь мэргэжлийн дипломтой байсан аж. Өөрөөр хэлбэл, нийт багш нарын 11.8 хувь нь л магистраас дээш зэрэгтэй байгаа юм.

Тиймээс багш нарыг чадавхижуулах, багш бэлтгэх тогтолцоог шинэчлэн сайжруулах бодлогыг төр, засгаас дэвшүүлж байгаа.

Үүнтэй холбоотойгоор энэ хичээлийн жилээс багш бэлтгэдэг сургуулиудад өндөр оноотой элссэн суралцагчдыг сургалтын төлбөрөөс чөлөөлөх болсон. Тэгвэл ирэх хичээлийн жилээс ахлах ангид магистраас дээш зэрэгтэй багш нар хичээл заадаг болох мэдээлэл байгаад байна тиймээс албаны хүнээс тодруулахад "Одоохондоо бодлогын түвшинд ярьж байгаа. Эцсийн шийдвэр гараагүй байна” гэлээ.

URL: http://www.choibalsan.mn/index.php?newsid=775