УИХ-ын гишүүн Л.Эрдэнэчимэг өнгөрсөн оны 11 дүгээр сарын сүүлчээр Согтууруулах ундааны хяналтын тухай хуулийн төслийг УИХ- ын даргад өргөн барьсан.
 
Нийгэмд "Л.Эрдэнэчимэгийн архины хууль” нэрээр алдаршаад байсан хууль саяхан УИХ-аар хэлэлцэгдэж эхэлсэн ч хууль санаачлагч чь өөрөө татаад авчихсан.
 
Л.Эрдэнэчимэг гишүүн дээрх хуулийн төслийг санаачилсан биш цахим ертөнцөөр хөөрхөн дуулиан дэгдээгээд авсан. Түүний санаачилсан хуульд "21 насанд хүрээгүй хүн, жирэмсэн эх, албан үүргээ гүйцэтгэж яваа төрийн албан хаагч этгээд согтууруулах ундаа хэрэглэхийг хориглоно" хэмээх заалт байсан нь сайхан далим болж хэсэг гөвүүлсэн.
 
Тэгвэл хөөрхөн дуулиан дэгдээсэн хуулийн төслөө татаж авснаа зарласан Л.Эрдэнэчимэг гишүүн "энэ хуулийг жадлан эсэргүүцэгчдийн дунд УИХ-ын гишүүд ч байгаа. Гэхдээ би энэ хуулиа дахин оруулан ирж заавал батлуулна” гэсэн нь чухамдаа УИХ дахь архи, тамхины боссууд, гаднаас архи, пиво импортлогчидтой зарласан дайнаа зогсоохгүй гэсэн үг гэж ойлгож болно. Бодвол УИХ дахь архи, тамхины боссууд "Монос”-ын босстой асуудал үүсгэсэн бололтой юм. Тэгээд ч УИХ дахь архи, тамхины боссууд байсхийгэд л нэг асуудал үүсгэдэг билээ.

---