Өрлөг жанжин, БНМАУ-ын 13 дахь Ерөнхий сайд, Маршал Х.Чойбалсангийн
мэндэлсний 120 жилийн ой маргааш буюу 2-р сарын 8-ны өдөр тохиож байна.
Энэ өдрийг угтан УИХ-ын гишүүн Х.Болорчулууны санаачилгаар Дорнод
аймгийн Шатрын холбооноос зохион байгуулж буй "ЧОЙБАЛСАН-120” шатрын
нээлттэй тэмцээн ДБЭХС ТӨХК-ийн зааланд эхэллээ.Тэмцээнийг бага, дунд, ахлах насны хүүхдүүд болон насанд хүрэгчид гэсэн
төрлүүдээр эрэгтэй, эмэгтэй ангиллаар зохиож байгаа юм. Чойбалсан-120
хүүхдийн шатрын тэмцээнд 330 гаруй, насанд хүрэгчдийн тэмцээнд 80 гаруй
шатарчид оюун ухаанаа сорин өрсөлдөж байгаа юм.
Тэмцээний шилдэгээр шалгарсан ахлах ангийн эрэгтэй, эмэгтэй 2 хүүхэд
ОХУ-ын Москва хотноо Шатрын академиар зочлох эрхтэй болно. Харин ангилал
тус бүрийн эхний 3 байрын эзэд Найрамдал зусланд амрах юм.
Тэмцээн хоёр өдөр үргэлжилж, Маршалын төрсөн өдөр буюу маргааш дүнгээ гаргана. Нийт шатарчиддаа амжилт хүсье!
URL: http://www.choibalsan.mn/index.php?newsid=7823
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих