Монголын бахархалт хүү болсон Мэргэжлийн сумогийн 69 дэх аварга Хакухо М.Даваажарагал өнөөдөр Монгол Улсын Ерөнхийлөгчийн зарилгаар Хөдөлмөрийн баатар цол хүртлээ. Энэхүү үйл явдлыг дэмжиж олон түмэн нутаг нэгтэн Монголчууд Чингисийн талбайд чуулж түүнд хүндэтгэл үзүүллээ.

 

Мэргэжлийн сумогийн түүхэнд 33 түрүү авч нэгэн дээд амжилт тогтоосон Хакухо М.Даваажаргал ийн хөдөлмөрийн баатар цолоор шагнагдсан нь Монголын түүхэнд аав хүү хоёр хөдөлмөрийн баатартай болсон бас нэгэн томоохон үйл явдал болсон билээ. Сар шинийн өмнө болж байгаа хэдий ч эх орондоо сар шинээ тэмдэглэж чадахгүй маргааш сар шинийн барилдааныг үзчихээд шууд арлын Японыг зорих тухай албан ёсны эх сурвалж мэдээлээд байгаа юм.