"Дүнжингарав-2015” хаврын төвийн бүсийн хурдан морины уралдааныг зохион байгуулах комиссоос эрлийз монгол морьдыг тусад нь уралдуулахаар нарийвчилсан журам батлан нэр бүхий морины зүтгэлтнүүд, эрдэмтийн бүрэлдэхүүнтэй "Үүлдэрлэг байдлаар ялгах комисс" байгуулан ажиллуулсан юм. Гэвч эрлийз морьд уралдуулан айрагдуулсан талаар гомдол гарсан байна.

 

 "Дүнжингарав-2015” уралдааны азарга, соёолон насанд эрлийз адуу түрүүлж, айрагдсан тухай нэр бүхий уяачдаас гомдол санал ирснийг дахин шалгаж үзэхээр болсон байна. ММСУХ-ноос дээрхи санал  гомдлын дагуу "Дүнжингарав-2015” уралдааны азарга, соёолон насанд түрүүлж айрагдсан морьдын амжилтыг түдгэлзүүлэн шалгаж буй юм. Тус холбооны  "Үүлдэрлэг байдлаар ялгах комисс" дээрхи хоёр  насанд түрүүлж айрагдсан морьдын үүлдэрлэг байдлыг  дахин нягтлах  болжээ.