"Хүн алга боллоо” гэсэн дуудлага Дорнод аймгийн Онцгой байдлын хэлтэст энэ сарын 18 ны өдөр иржээ.
Тус аймгийн төвийн "Ивээл” хорооллын харьяат болох 22 настай Э гэгч гэрээсээ гарч яваад сураггүй болсоор 8 хоногийн дараа аймгийн ОБХ-т ар гэрийнхэн нь мэдэгдсэн нь энэ. Э алга болох үедээ аймгийн төвөөс холгүйхэн "Дэхт” гэдэг газарт айлын мал хардаг байсан гэх. Ар гэрийнхний нь ярьж байгаагаар үе, үе алга болж байгаад ирдэг гэж байгаа ч "Онцгойнхон” хоёр дахь хоногоо хайгаад одоо хэр олдоогүй байна. Э-гийн хувьд морь унаж хонь эргүүлэх төдий болохоос биш, биеэ авч явах чадвар сулхан гэдгийг ч тэд ярьж байсан.

---