Саран дээр хүн буусан гэдэг нь худал бөгөөд энэ нь сансар огторгуйг эзэмших уралдаанд Оросыг ялснаа харуулах гэж АНУ-ын засгийн газрын үйлдсэн хуурмаг ажиллагаа байсныг батлах онол сүүлийн үед багагүй алдарших болжээ. Саяхны нэгэн санал асуулгаас үзвэл, америкчуудын 20 орчим хувь нь АНУ саран дээр хэзээ ч хүн буулгаагүй гэдэгт итгэдэг байна.
Хүмүүс ингэж асуудаг: Хэрэв саран дээр хүн буулгах "Аполло” ажиллагаа амжилттай байсан юм бол, яагаад үүнийг дахин хэрэгжүүлээгүй вэ? Энэ нь зөвхөн "Хүйтэн дайн”-ы үед хэрэгтэй байсан гэж үү?
Хүн саран дээр хэзээ ч буугаагүй гэдгийг батлах гэсэн хэд хэдэн үндэслэлийг дээрх онолд дэвшүүлж иржээ. Гэвч, тэдгээр үндэслэлийг та бүхэнд толилуулахын өмнө, АНУ-ын НАСА (National Aeronautics and Space Administration буюу NASA - Агаарын аялал ба сансарын уудамыг судлах үндэстний газар) тэдгээрийг няцаасан тайлбар өгсөн гэдгийг дурдах хэрэгтэй юм. Ингээд, бодитой хандах үүднээс, хүн саран дээр хүн буугаагүй гэдгийг батлах 10 баримтыг, НАСА-гийн зүгээс няцаасан тайлбарын хамт та бүхэнд хүргэж байна.
#10. НАМИРЧ БУЙ ДАЛБАА
Хүмүүс ингэж асуудаг: Хэрэв саран дээр хүн буулгах "Аполло” ажиллагаа амжилттай байсан юм бол, яагаад үүнийг дахин хэрэгжүүлээгүй вэ? Энэ нь зөвхөн "Хүйтэн дайн”-ы үед хэрэгтэй байсан гэж үү?
Хүн саран дээр хэзээ ч буугаагүй гэдгийг батлах гэсэн хэд хэдэн үндэслэлийг дээрх онолд дэвшүүлж иржээ. Гэвч, тэдгээр үндэслэлийг та бүхэнд толилуулахын өмнө, АНУ-ын НАСА (National Aeronautics and Space Administration буюу NASA - Агаарын аялал ба сансарын уудамыг судлах үндэстний газар) тэдгээрийг няцаасан тайлбар өгсөн гэдгийг дурдах хэрэгтэй юм. Ингээд, бодитой хандах үүднээс, хүн саран дээр хүн буугаагүй гэдгийг батлах 10 баримтыг, НАСА-гийн зүгээс няцаасан тайлбарын хамт та бүхэнд хүргэж байна.
#10. НАМИРЧ БУЙ ДАЛБАА
Дээрх онолчид хүн саран дээр анх буусныг телевизээр шууд нэвтрүүлэх үед Нейл Армстронг, Базз Алдрин нарын гартаа барьж байсан Америкийн далбаа намирч байсныг үзэгчид тодорхой харсан гэдгийг онцолдог байна. Саран дээр хүн буусныг харуулсан фото зургууд ч далбаа сэвшээ салхинд намирч буйг харуулдаг. Гэтэл, сарны гадаргууд ямар ч агаар байхгүй, иймд далбааг намируулах салхи үлээх ёсгүй юм.НАСА-гийн тайлбар: Далбааг дэлгэсэн хэвээр нь харуулахын тулд нарийхан гуурсанд бэхэлсэн бөгөөд сарны хөрсөнд ишийг нь зоохын өмнөхөн, үүний нөлөөгөөр намирсан. Мөн, сансрын нисгэгч далбааны хөнгөн цагаан ишинд хүрч, займчуулсны хариу нөлөөгөөр далбаа намирсан бөгөөд үүнийг видео бичлэгээс тодорхой харж болно.
#9. КРАТЕРИЙН НӨЛӨӨ БАЙХГҮЙ
Хэрэв НАСА үнэхээр саран дээр хөлөг буулгасан юм бол, тийрэлтэт хөлөг сарны хөрсөнд газардсаныг харуулах цохилтын нөлөө буюу хүчтэй газардсанаас үүдсэн ул мөр (кратерийн нөлөө) байх ёстой. Гэтэл, саран дээр буусныг харуулсан бүхий л видео, фото зурагт сансрын хөлөг газардсан ул мөр харагддаггүй бөгөөд хөлгийг зүгээр л зөөгөөд тавьчихсан мэт харагддаг. Сарны гадаргуу нь нарийн тоост хөрсөөр хучигдсан байдаг хэдий ч, фото зургуудад энэ хөрс хөдлөөгүй харагддаг юм. НАСА-гийн тайлбар: Намирч буй далбаатай адилаар, кратерийн нөлөө гэгчийг олон баримтаар тайлбарлаж болно. НАСА-гийн тайлбарласнаар, сарны гадаргуу шиг татах хүч багатай орчинд хөлөг газардах нь дэлхий дээр бууснаас ул мөр бага үлдээдэг. Сарны гадаргуу өөрөө хатуу чулуулаг юм. Иймд, кратерийн нөлөө үүсэх боломж багатай. Тухайлбал, үүнийг нисэх онгоц цементэн талбайд газардах үед кратер үүсгэдэгүйтэй адил хэмээн жишиж болно.
#8. ГЭРЛИЙН ОЛОН ЭХ СУРВАЛЖ
Саран дээр гэрлийн ганцхан хүчит эх сурвалж бий. Энэ бол нар юм. Иймээс, саран дээрх бүх сүүдэр нэг чигт, өөрөөр хэлбэл, өөр хоорондоо параллел байх ёстой. Гэвч, саран дээр буугчдын хувьд, энэ нь өөр байв. Видео, фото зургууд саран дээрх сүүдрүүд өөр чиглэлд туссан байгааг тодорхой харуулдаг. Иймд, энэ нь гэрлийн олон эх сурвалж байсныг харуулж буй бөгөөд саран дээр газардсан үйл явдлыг кино студид авсан болохыг сануулж байна.НАСА-гийн тайлбар: Гэрлийн тусгал өөр чиглэлтэй мэт харагдаж байгаа нь сарны гадаргуу дээрх жигд бус овон товон, толгодын нөлөө юм. Гэвч, энэ тайлбарыг зарим онолчид хялбархан гэгч нь ингэж няцаадаг: толгодоос болж, гэрлийн тусгалууд ийм их өнцөг үүсгэнэ гэж үү? Зургаас харвал, саран дээр буусан хөлгийн сүүдэр ойр орчмын чулууны сүүдэртэй бараг 45 градусын өнцөг үүсгэн зөржээ.
#7. ВАН АЛЛЕНЫ РАДИАЦИЙН БҮСЛҮҮР
Сар руу очихын тулд, сансрын нисгэгчид Ван Аллены радиацийн бүслүүр гэгчийг дайран өнгөрөх ёстой. Радиац туяан бүслүүр нь дэлхийн соронзон орны талбайн улмаас тогтмол нэг газраа оршдог. Сар руу ниссэн Аполло хөлгийнхөн энэ бүслүүрийг туулж гарсан анхны хүмүүс ажээ. Гэвч, бүслүүрийн туяа нь сансрын нисгэгчдийг хөлгийн гадна, дотнох хөнгөн цагаан бүрхүүлээс үл хамааран сарны тойрог замд л шарж орхих байв. НАСА-гийн тайлбар: Хөлөг Ван Аллены бүслүүрийг маш богино хугацаанд туулсан учраас сансрын нисгэгчид зөвхөн багахан хэмжээний радиацад өртсөн.
#6. ТАЙЛБАРЛАЖ ҮЛ ЧАДАХ ОБЪЕКТ
Саран дээр хүн газардсан фото зургуудыг харуулсны дараа, сансрын нисгэгчийн дуулга дээр туссан нууцлаг дүрс чухам юу болох талаар яриа гарсан юм. Тэр зүйл олс буюу утаснаас унжсан мэт харагдсан боловч, сансрын нисгэгчийн дуулган дээр юу, хэрхэн туссаны тайлбарлах ямар нэгэн шалтгаан олдоогүй ажээ. Энэ нь зарим хүнийг кино студид байдаг эд зүйлс гэж үзэхэд хүргэдэг. НАСА-гийн тайлбар: Фото зургийн чанар муу байсан тул, сансрын нисгэгчийн дуулган дээр ямар нэг дүрс туссан гэдэг нь эргэлзээтэй. Гэвч, саран дээр буусан тухай бусад зургуудын дотор агаарт дүүжлэгдсэн мэт зүйл юу болохыг хөөж харах өөр зураг байсангүй. Иймд, энэ дүрстэй холбоотой нууц бүрэн тайлагдалгүй хэвээр үлдсэн билээ.
#5. УДААШРУУЛСАН АЛХАА БА КАБЕЛЬ УТАС
Саран дээр хүн буусан тухай үйл явдлыг кино студид бүтээсэн гэдгийг батлан харуулахын тулд, дээрх онолчид татах хүч сул сарны гадаргуугийн нөхцөлийг тооцож үзжээ. Хэрэв та саран дээр хүн алхаж буй бичлэгийг үзэхдээ, хурдыг нь 2.5 дахин нэмж, гүйлгэвэл, сансрын нисгэгчид манай дэлхийн татах хүчний орчинд алхаж байгаа нь харагдана. Үүнээс гадна, сансрын нисгэгчид дэлхийн дээр гүйцэтгэх боломжгүй, тийм сэтгэл хөдөлгөм өндөрт үсэрч буйг бид харсаар ирсэн билээ. Гэвч, ингэж үсрэхэд тэдэнд кабель утас тусалсан байж болохыг фото зургууд сануулдаг юм. Хэдийгээр маш бүдэг боловч, зарим фото зурагт нуусан кабель утас байж болохоор дүрс харагддаг. #4. ОДОД БАЙХГҮЙ
Саран дээр хүн буугаагүй гэдэгт итгэж болох нэг сонирхолтой үндэслэл нь саран дээр газардсан тухай видео болон фото зургуудад нэг ч од харагддаггүй гэдэгт буй. Саран дээр үүл байдаггүй, иймээс сарнаас одод агаар мандалтай дэлхий дээрхээс ч илүү тод харагдах ёстой билээ. Дээрх үндэслэлийн дагуу, НАСА хуурмаг кино хийхдээ нэгэнт бүх оддын байршлыг зураглан харуулах боломжгүй тул, одод харагдах хэсгийг тэр чигээр нь дэлгэцээс хассан. Харин, НАСА-гийн зүгээс фото зургуудыг тод харуулах, дүрсний чанарыг хадгалах зорилгоор үүнийг үйлдсэн хэмээдэг (үнэндээ, тэд үүнийхээ төлөө үнэхээр уучлал хүссэн юм).
Зарим зургууд үнэхээр чанар сайтай хэдий ч, оддыг харуулдаггүй. Дэлхий дээр бид чанар муутай фото зураг авдаг хэдий ч, агаар мандал, үүлтэй дэлхийгээс оддын зургийг харуулж чаддаг билээ. Гэтэл, агаар, үүлс огтоос үгүй сарнаас оддыг харуулах боломжгүй гэж үү?
#3. "С” ЧУЛУУ
Саран дээр хүн буусныг харуулсан хамгийн алдартай фото зургуудын нэг нь "С” үсэг сийлсэн мэт дүрстэй чулууг харуулдаг. Үсэг бараг төгс тэгш харьцаатай харагддаг тул, энэ нь байгалийн санамсаргүй тохиолдол гэдэг нь эргэлзээтэй. Иймээс, чулуу нь киноны уран бүтээлчдийн тэмдэг болгон тавьсан "С” үсэгтэй эд зүйл гэдгийг сануулдаг. Тайзны дизайнер чулууг санамсаргүйгээр камер руу харуулан тавьсан байж болох юм.НАСА-гийн тайлбар: Үнэндээ, "С” чулууны талаарх НАСА-гийн тайлбарууд хоорондоо зөрчилддөг. НАСА фото зургийн хүн нь зүгээр л тоглоом шоглоомоор чулуун дээр "С” үсэг нэмсэн хэмээн буруутгадаг хэрнээ, үсэг шиг дүрс нь фото зургийг боловсруулах явцад наалдсан үс буюу нарийхан утслаг материал байж магадгүй гэж тайлбарладаг.
#2. НЭМЭХ ТЭМДГЭН ЗУРААС
Саран дээр газардах явцад сансрын нисгэгчдийн хэрэглэсэн камерууд нь хэмжээс ба чиглэл заах зориулалттай нэмэх тэмдгэн зураасуудтай байв. Энэ дүрс бүх фото зургийн дээд хэсэгт гарчээ. Гэвч, зарим фото зурагт сарны гадаргуу дээрх объектуудын ард нэмэх тэмдгэн зураас байгаа нь тодорхой харагддаг. Энэ нь зургуудыг авсны дараа, тэмдгийн наана нь объект байрлуулж, зассан байж магадгүй болохыг сануулж байна. Дээр харуулсан зураг нь цорын ганц тохиолдол биш юм. Нэмэх тэмдгийн өмнө талд олон объектыг харуулдаг ба жишээ нь, нэг зурагт Америкийн далбааг, өөр нэг зурагт сарнаа явагчийг ингэж харуулжээ. Хүн саран дээр буусан гэдгийг няцаагчид нэмэх тэмдгүүд нь НАСА эх фото зураг дээр хиймэл объектууд нэмж дүрсэлсэн гэдгийг харуулж байна гэж үздэг.
#1. АРЫН ЗУРАГ
"Аполло”-ийн үүрэг даалгаварын талаарх хоёр фото зурагт арын дүслэл нь нэг гэдгийг тодорхой харуулдаг. Гэтэл, НАСА-гийн тайлбарласнаар, энэ хоёр зургийг хэдэн миль зайтай газар авчээ. Нэг зурагт бүр саран дээр буусан хөлөг бий. Хүн саран дээр буусан гэдгийг няцаагчид НАСА кино студид зураг авах үедээ тайзны арын нэг зургийг хоёр удаа ашигласан хэмээн үүний учрыг тайлж байна.НАСА-гийн тайлбар: Сар дэлхийгээс хавьгүй жижиг учраас, саран дээрх уул толгод хүний нүдэнд ингэж ойр харагдаж байгаа юм. Гэвч, зурган дээр харагдаж буй хоёр толгой хоорондоо хэдэн миль зайтай байна гэж үү?
URL: http://www.choibalsan.mn/index.php?newsid=8581
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих