Хэрлэн сумын 5 дугаар багийн Дэхт орчмоос 22 настай эрэгтэй алга болсон тухай бид өчигдөр мэдээлсэн. Э гэгч иргэн нь "Ивээл” хорооллын харьяат бөгөөд Дэхтэд айлын мал хардаг байжээ. Тэрээр 3-р сарын 11-ний 18 цагийн үед гараад сураггүй 5 хоносны дараа гэрийнхэн нь алга болсон дуудлага өгч, ОБХ-ийнхэн эрэн хайх ажиллагааг эхлүүлээд дөрөв хоносон юм.

Онцгой байдлын хэлтсийн 4 албан хаагч, 2 мотоциклтойгоор Э-г эрж байсан боловч үр дүнд хүрээгүй тул ар гэрийнх нь хүсэлтээр зогсоожээ. Э гэгч иргэн нь морь унаж хонь эргүүлэх төдий болохоос биш, биеэ авч явах чадвар сулхан бөгөөд үе үе алга болж байснаа эргээд ирдэг гэж ар гэрийнхэн нь ярьсан аж.