Хөдөлмөрийн гавьяаны улаан тугийн одонт, Ардын боловсролын тэргүүний ажилтан ахмад багш Цэдэвийн Цэрэндаш агсны нэрэмжит Зүүн бүсийн Монгол бичгийн олимпиад саяхан боллоо.Ес дэх жилдээ зохиогдож байгаа энэ удаагийн олимпиадад Дорнод, Сүхбаатар аймгийн төв, хөдөөгийн 30 шахам сургууль, Дорнод дээд сургуулийн 355 багш, сурагч, оюутнууд оролцлоо. Тэдний 96 нь мэргэжлийн багш байсан.
Олимпиад 9-10 дугаар анги, бага, дунд ангийн багш ; "Сайхан бичиг"-ийн төрлөөр явагдсан. Багийн дүнгээр Дорнод аймгийн Хэрлэн сумын Улсын тэргүүний 1 дүгээр сургууль тэргүүн байрыг эзэлж, 12, 5 дугаар сургууль удааллаа.
Ц.Цэрэндашийн нэрэмжит олимпиадыг Хэрлэн сумын 11 дүгээр сургууль санаачлан, үр хүүхдүүдтэй нь хамтран зохион явуулдаг уламжлалтай.
Уг олимпиад нь үндэсний бичиг соёлоо дээдэлж, хэрэглээ болгох, "Монгол бичгийн үндэсний хөтөлбөр-2" -ийг хэрэгжүүлэх, хүүхэд бүрийн хөгжлийг дэмжих, Зүүн бүсийн багш нарын хамтын ажиллагааг сайжруулж, харилцан туршлага солилцох олон талын ач холбогдолтойг санаачлагчид ярьж байсан.
ДОРНОД сонин
URL: http://www.choibalsan.mn/index.php?newsid=8668
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
.png)
Сэтгэгдэл бичих