Эдийн засагч Х.Батсуурь, үндэсний аюулгүй байдал судлаач Ж.Санчир тэргүүтэй судлаачид "Урагшаа Тавантолгой иргэдийн санаачилга"-ыг гаргажээ. Тэд улс, оронд тулгамдаад буй эдийн засгийн хямралын эсрэг дорвитой арга хэмжээ авахгүй бол нөхцөл байдал улам хүндэрнэ хэмээн таамагласан байна. Гэтэл өнгөрсөн хугацаанд төрийн зүгээс нэмж өр тавих, ОУВС-ын стандбай хөтөлбөр зэрэг өдөр хоногийг аргацаасан саналыг дэвшүүлж байгаа нь Монголын улс төр, эдийн засгийн бие даасан байдлыг алдагдуулах үр дагавартай хэмээн судлаачид үзэж байгаа аж.

 

Харин гацаанд орсон уулуурхайнтомтөслүүдийг хөдөлгөх нь хямралаас гарах нэгэн гарц гэж үзжээ. Тиймээс дээрх санаачилгыг дэвшүүлж байгаагаа Монголын хөгжлийн хүрээлэнгийн судлаачид өчигдөр олон нийтэд мэдээлэв. Мэдээллийн үеэр эдийн засагч Х.Батсуурь "Уул уурхайн гол асуудал бол чухам яаж, ямар замаар, хэний эрх ашгийн үүднээс вэ гэдэгт байдаг. Хэрвээ уул, уурхайн төсөл Монголын Улсын хуулийг зөрчсөн. Үндэсний эрх ашигт нийцээгүй байвал хөдөлгөх аргагүй. Бүр зогсоох нь зөв" хэмээн гаргасан санаачилгаа тодотголоо. Мөн уул, уурхай давамгайлсан эдийн засагтай орнуудын жишгээр, Тавантолгойн ордын 51 хувиас дээш, төрийн мэдэлд үлдээхийг санал болгож байгаа аж.

 

Тэдний дэвшүүлж байгаа Тавантолгойн ордыг эдийн засгийн эргэлтэд оруулах санаачилгад, иргэдэд өмчлүүлсэн 1072 ширхэг хувьцааны ноогдол ашиг өгдөг болох, Тавантолгойн төмөр замыг улсын мэдэлд үлдээх шийдлийг тусгасан байна. Мөн дээрх стратегийн ордыг УИХ-аар хэлэлцүүлэн шийдвэрлүүлэх зэрэг асуудал багтжээ. Энэхүү үндэслэлүүд нь өмнөх төслүүдэд ард түмэнд ашиггүй, орхигдсон гэж тэдний зүгээс тайлбарлалаа.

 

Энэ үеэр эдийн засагч Х.Батсууриас Тавантолгой төслийн талаар дараахь зүйлсийг тодрууллаа.

 

 

Тиймээс стратегийн ордод зүй ёсоор орж байгаа бөгөөд УИХ-ын 2010 оны 39 дүгээр тогтоол, Засгийн газрын өнгөрсөн оны 268 дугаар тогтоолд зааснаар авч хэлэлцэх ёстой. Гэтэл УИХ-аар сүр дуулиантай авч хэлэлцсэн Гачууртын орд бол 70 тонн алтны нөөцтэй. Үүний 50 тонныг баталсан. Нийт 180 сая ам.долларын ашиг өгөхөөс 36 сая нь Монголын төрд ноогдох хийсвэр төсөөлөлтэй төсөл. Үүний дэргэд Тавантолгой бол асар том төсөл юм шүү дээ.

 

 

Д.МЯГМАРДОРЖ /ҮНДЭСНИЙ ШУУДАН/