Ирэх онд Катарт болох 23 хүртэлх насны Азийн аварга шалгаруулах тэмцээний сонгон шалгаруулалт эхлээд байна. Азийн 43 улсын шигшээ баг урьдчилсан шатанд 10 хэсэгт хуваагдсан бөгөөд "J” хэсэгт Монгол, БНХАУ, Лаос, Сингапур улсын багууд багтсан юм.

"J” хэсгийн тоглолтууд Лаос улсын Вьентьян хотын KM16 цэнгэлдэх хүрээлэнд болж байна. Манай шигшээ эхний тоглолтоо өнгөрөгч баасан гаригт урд хөршийн багтай хийсэн ч 0:5 онооны харьцаагаар хожигдсон билээ. Тэгвэл өнөөдөр хоёр дахь тоглолтоо талбайн эзэдтэй хийх гэж байна. Энэхүү тоглолт Улаанбаатарын цагаар 20.00-т эхлэх юм. Тоглолтыг "SPS Prime"сувгаар шууд дамжуулан үзүүлнэ.

Одоогоор энэ хэсгийг БНХАУ гурван оноотой тэргүүлж байгаа бол Лаос, Сингапур тэнцээний нэг оноогор удаалж, Монгол хүснэгтийн сүүлд бичигдэж байна.

III.27. (Баасан)

• Монгол-БНХАУ 0-5
• Лаос-Сингапур 0-0

Ч.БОЛ