Үндэсний сагсан бөмбөгийн холбооны 2014-2015 оны улирлын Плэй-оффын тоглолтууд Спортын төв ордонд үргэлжилж байна. Плэй-оффын хагас шигшээд "SBL Хасын хүлгүүд", "Дундговь Альянс Тех харцага" багууд шалгараад байсан бол өчигдөр гурав дахь баг тодорлоо. Энэ өдөр улирлыг 12 хожил, найман хожигдолтойгоор өндөрлүүлсэн "Мон-Алтиус Мадимос шонхорууд" болон "Дорнод Танан Гарьд" багуудын цуврал дөрөв дэх тоглолт боллоо. "Танан Гарьд" хожвол хагас шигшээд шалгарах шонхорууд ялалт байгуулбал цувралын тав дахь тоглолт гарах байлаа. Тоглолтын эхнээс санаачлагыг гартаа авсан "Дорнод Татан Гарьд" өрсөлдөгчөө 111:106 онооны харьцаагаар хожиж, цувралыг 3:1-ээр тэргүүлж, хагас шигшээд шалгарлаа. Ийнхүү өнгөрөгч оны арваннэгдүгээр сард эхэлсэн Үндэсний супер лигийн хагас шигшээд "SBL Хасын хүлгүүд", "Дундговь Альянс Тех харцага", "Дорнод Татан Гарьд" багууд шалгарлаа. Одоо "Увс Эрдэнэдрийлинг Ригс" vs "Их өргөө аравтууд" багуудын ганцхан тоглолт үлдлээ. Хоёр багийн цуврал 2:2 болж тэнцээд байна.
Плей-оффт:
1 ."ЗВ1. Хасын хүлгүүд" vs "Хан талстын ирвэсүүд" 94:93,122:102, 105:104 (3:0)
2."Мон-Алтиус Мадимос шонхорууд" vs "Дорнод Танан Гарьд" 97:103,115:103,94:115, 106:111(1:3)
3."Дундговь Альянс Тех Харцага" vs "Төв аймаг Төв ургац" 119:100,103:95,99:86(3-0)
4."Увс Эрдэнэдрийлинг Ригс" vs "Ихөргөө аравтууд" 107:104, 91:98, 82:93,93:81 (2-2)

---