Мадридын "Реал” багийн довтлогч Криштиану Роналду анх удаа нэг тоглолтод өрсөлдөгчийнхөө хаалганд таван гоол оруулжээ. Испанийн АШТ-ий 29 дэх тойргийн Мадридад болсон тоглолтод "Реал” "Гранада”-г 9:1-ээр бут ниргэсэн байна. Тус тоглолтод Криштиану Роналдугаас гадна Карим Бензема хоёр, Гарет Бэйл нэг удаа "Гранада”-гийн хаалгыг мялаажээ. Түүнчлэн зочин багийн хамгаалагч Диего Майнс өөрийнхөө хаалганд нэг бөмбөг оруулсан юм.

"Реал” Испанийн АШТ-д мөнхийн өрсөлдөгч "Барселона”-гаас нэг оноогоор дутуу хоёрт явж байна. Харин мэргэн буучдын өрсөлдөөнд Криштиану Роналду 36 гоолтой болж "Барселона”-гийн Лионель Мессигээс дөрвөн гоолоор илүү боллоо.

Б.САНСАР /ЗУУНЫ МЭДЭЭ/

---

URL: http://www.choibalsan.mn/index.php?newsid=8910