Дорнод аймгийн Татварын хэлтсээс "Монголын татвар төлөгчдийн өдрүүд”-ийг угтаж "Ухаалаг төр-Цахим татвар” сэдэвт зохион бичлэгийн уралдааныг 2014 оны 03 сарын 28-ны өдрөөс 4 сарын 18-ны өдрийг дуустал хугацаанд Дорнод аймгийн ерөнхий боловсролын сургуулийн сурагчдын дунд зарлаж байна.

Уралдаан нь сурагчдын татварын боловсролыг дээшлүүлж, зохиомжит сэтгэлгээг хөгжүүлэх зорилготой. Зохион бичлэг нь төрийн татварын бодлого, түүний хэрэгжилт, татвар төлөхийн ач холбогдол, татвараас зугтаахын хор уршиг, цахим татварын систем, аж ахуйн нэгж, байгууллага, хувь хүн, өрх гэрийн нийгэмд оруулж буй хувь нэмэр, нийгмийн хариуцлага болон татварын албаны тулгамдсан асуудлын талаарх ойлголтыг нийгэмд үнэн зөвөөр сурталчилсан агуулгатай байна.

Бүтээлийг файлаар болон эх хувилбарын хамт Дорнод аймгийн татварын хэлтэст 2014 оны 4 сарын 18-ныг дуустал хүлээн авна. Шалгаруулалтыг 2014 оны 4 сарын 19-ны дотор хийж, төрөл тус бүрээс шилдэг 5 бүтээлийг аймгийн хэмжээнд шалгаруулна.

Уралдаанаас шалгарсан шилдэг 3 бүтээлийг Татварын Ерөнхий газар Татвар төлөгчдөд үйлчлэх газарт хүргүүлнэ.Зохион бичлэгийн уралдааны бүтээл: А4 хэмжээтэй, 3-аас илүүгүй хуудсанд багтааж, Монгол хэлний зөв бичгийн дүрмийг баримталж бичсэн байна.Бүтээлийг шалгаруулах: Зохион бичлэгийн уралдаанд ирсэн бүтээлээс шалгаруулж дараах байр эзлүүлнэ.

1-р байр.Нэг. Өргөмжлөл, мөнгөн шагнал / 40000 төг /

2-р байр. Нэг. Өргөмжлөл, мөнгөн шагнал / 30000 төг /

3-р байр. Нэг. Өргөмжлөл, мөнгөн шагнал / 20000 төг /

Тусгай байр. Хоёр. Өргөмжлөл, мөнгөн шагнал /5000 төг/

Жич: Уралдаанд оролцсон сурагч бүрт талархлын хуудас гардуулна. Уралдаанд ирсэн зохион бичлэгээс сонгон шалгаруулалт хийж "Цахим татвар, цахим үйлчилгээ” нийтэд зориулсан сурталчилгаанд хэрэглэнэ. Улсын хэмжээнд шалгарсан бүтээлүүд дараах шагналтай

1-р байр. Нэг. Өргөмжлөл, мөнгөн шагнал / 200000 төг /

2-р байр. Нэг. Өргөмжлөл, мөнгөн шагнал / 150000 төг /

3-р байр. нэг.Өргөмжлөл, мөнгөн шагнал / 100000 төг /

Тусгай байр. Тав. Өргөмжлөл, мөнгөн шагнал / 50000 төг /

Харилцах утас: 70583288

URL: http://www.choibalsan.mn/index.php?newsid=950