Хятадад 17 эмэгтэйг мэхэлж байгаад баригдсан эрэгтэйг залилангийн хэргээр баривчилжээ.

Хятадын Хунань мужийн оршин суугч энэ залуу өнгөрсөн сард хэвлэл, мэдээллийн хэрэгслийн бай болсон байна. Түүнийг эмнэлэгт хэвтэхэд 17 найз бүсгүй нь бүгд эмнэлэг рүү очин бие биетэйгээ таарчээ.

"South China Morning Post” сонины мэдэгдсэнээр, тэрбээр хууран мэхэлж байсан эмэгтэйчүүдээсээ мөнгө авдаг байсан бөгөөд авсан мөнгөний хэмжээнд нь үндэслэн түүний үйлдлийг залилангийн хэрэг гэж үзжээ.

Юань овогт энэ залуу эдгээр эмэгтэйн нэгийг хүүхэдтэй болгосон бөгөөд өөр нэг эмэгтэйтэй нь хуримлахаар төлөвлөж байсан гэсэн мэдээлэл байна.