Дорнод аймагт улаанбурхан өвчний сэжигтэй тохиолдол 22 бүртгэгдэж үүнээс 12 тохиолдол БОЭТ-ийн халдвартын тасагт хэвтэн эмчлүүлж байна. Аймгийн хэмжээнд дархлаажуулалтын хамралт 8791 хүн буюу 93,4 хувьтай байгаа тул дархлаажуулалтын аяныг 2015 оны 06 сарын 05-ны өдрийг хүртэл сунган ажиллахаар болоод байна. Иймээс улаанбурханы нэмэлт дархлаажуулалтад хамрагдаагүй 6 сартайгаас 6 хүртэлх насны хүүхдийг ӨЭМТөвүүдэд харъяалал харгалзахгүй вакцинжуулж байгаа тул эцэг эхчүүд 6 сартайгаас 6 хүртэлх насны хүүхдээ нэмэлт дархлаажуулалтад хамруулахыг уриалж байна.