Хэрлэн сумын Засаг дарга бөгөөд Чойбалсан хотын захирагч П.Мөнхтөр санаачлан СӨХ-ын жижүүрүүдийн хүүхдүүдийг 100 хувь цэцэрлэгт хамруулахаар болсон байна. 2015 оны 09 дүгээр сарын 01-ний өдөр гэхэд СӨХ-ын жижүүрүүдийн хүүхдүүдийг бүрэн цэцэрлэгт хамруулахыг сумын бүх цэцэрлэгүүдийн эрхлэгчдэд үүрэг болгосон байна. Өнөөдрийн байдлаар Чойбалсан хотын СӨХ-дэд 20 гаруй хүүхэд цэцэрлэгт хамрагдаагүй байгаа бөгөөд дээрх ажлыг хийснээр хүүхдүүд бүрэн цэцэрлэгт хамрагдахаар боллоо. Мөн СӨХ-ын жижүүрүүдэд зориулан 27 дугаар байранд амралтын байрыг тохижуулах ажил хийгдэж байна. Дээрх байр ашиглалтад орсноор бүх СӨХ-ын жижүүрүүд хуваарийн дагуу очиж усанд орох, хувцсаа угааж, амарч байх бүрэн боломжтой болж байгаа юм.