Энэ оны хаврын тариалалтыг нийт 373.5 мянган га талбайд хийх болсон талаар ҮХААЯ-наас мэдээллээ. Тодруулбал 304.5 мянган га-д улаан буудай, 15.5 мянган га-д төмс, 8.3 мянган га-д хүнсний ногоо, 24.1 мянган га-д тосны ургамал, 10.3 мянган га-д малын тэжээл тариалах юм.

Энэ хаврын тариалалтад нийтдээ 48 мянган тонн буудайн үр шаардагдах тооцоо гарчээ. Аж ахуйн нэгж, иргэдийн хувьд 26.8 мянган тонн, Тариалан эрхлэлтийг дэмжих сан 1.2 мянган тонн үрийг нөөцөлсөн байгаа аж. Гэсэн хэдий ч 20 орчим мянган тонн үр дутах тооцоо гарсан тул үүнийг импортоор авахаар УИХ-ын шийдвэр гаргуулж, гаалийн болон НӨАТ-аас чөлөөлүүлсэн байна. Одоогийн байдлаар Алтайн хязгаар, Буриадаас нийт 6800 тонн үр импортлох гэрээ байгуулан, эхний найман галт тэрэг үрийн буудай "Хөтөл" талбарт буусан байна.

М.АМАРЖАРГАЛ