Дорнод аймгийн Хэрлэн сумын төсвийн хөрөнгөөр зарим сургуулиудын ойролцоох авто замд хүүхэд зорчих тэмдэглэгээ хийсэн байна. Тухайлбал Улсын тэргүүний 1 дүгээр сургууль, Шинэ хөгжил цогцолбор сургуулиудын орчимд "Сургуулийн бүс дэхь аюулгүй орчин” төслийн хүрээнд замын төмөр хашлага, гарц, гарцын тэмдэглэгээ хийж тохижуулсан байна. Энэ ажлыг Авто агро ХХК гүйцэтгэсэн бөгөөд хүүхэд, багачуудын осолд, гэмтэхээс урьдчилан сэргийлэх, аюулгүй байдлыг нь хангасан ажил болжээ.